تۆرکمنیستان طبیغی گاز پوداغیندا قازاغیستان بیلن استراتژیک حیذماتداشلیغینی گینگِلده‌ر

تۆرکمنیستان ینگ وزیرلر کابینه سی نینگ باشلیغی نینگ اوُرونباساری باتیر آمانوف و تۆرکمن گاز دؤولت قوراماسی نینگ باشلیغی ماقصات بابایف، آشغابادا گلن قازاغیستان ینگ قازاق گاز قوراماسی نینگ باشلیغی سانجار ژارکشوف بیلن دوشوشیق گچیردی.

دوشوشیقدا ایکی یوردونگ نتیجه لی حیذماتداشلیغی نینگ یوُقارلادیلمالیدیغی حاقیندا ایلالاشیلدی.

ایکی یوردونگ آراسیندا گاز گچیریجی توربالارینگ قورولماغی حاقیندا دا ایلالاشیلدی.

ایکی یورت طبیغی گاز پوداغیندا استراتژیک حیذماتداشلیغینگ اؤسدۆریلمه لیدیگی حاقیندا شوُل بیر قاراییشا ایه.

موندان اوُزال قازاغیستان ینگ انرژی وزیری آلماسادام ساتقالیف یوردونینگ تۆرکمنیستان دان انرژی سریشده لرینی ساتین آلماغی بیلن باغلانشیقلی مۆمکینچیلیکلری بارلایاندیغینی بیلدیریپدی.