أردوُغان: تۆرکیأنی ایقدیصادی تایدان دۆنیأنینگ اینگ گۆیچلی یورتلاری نینگ آراسینا گتیرره‌ریس
تۆرک یوُلباشچی تۆرکیأنینگ ایقدیصادی تایدان اؤسۆشینه اۆنس چکدی
تۆرکیأنینگ جمهورباشلیغی رجب طیب أردوُغان تۆرکیأنینگ ایقدیصادینی 21 ییلدا 3 مرتبه یوُقارلاداندیقلارینی و ینه 2 مرتبه یوُقارلادیپ دۆنیأنینگ اینگ گۆیچلی ایقدیصادیه‌تینه ایه بوُلان یورتلاری نینگ ساناوینا گیریزمه‌گی ماقصات ادیأندیکلرینی آیتدی.
عادالات و اؤسۆش حزبی نینگ باشلیغی و یوردونگ جمهورباشلیغی أردوُغان حزبی نینگ کایسری شهریندأکی میتینگینده بیانات بردی.
سؤزلرینه نوروز بایرامینی قوتلاپ باشلایان تۆرک یوُلباشچی،
"بۆتین میللتیمیزینگ و نوروز سؤیۆنجینی یاشایان جغرافیامیزداقی دوُغلانلاریمیزینگ نوروز بایرامینی قوتلایارین. اوُرتاآسیادان بالکان یورتلارینا چنلی گینگ جغرافیادا قوتلانان نوروزینگ حاییرلارا وسیله بوُلماغینی آرزوو ادیأرین" دیدی.
تۆرکیأنینگ جمهورباشلیغی "تۆرکیأنی 21 ییلدا 3 اِسسه یوُقارلاتدیق. ایندی ماقصادیمیز اؤنگۆمیزدأکی دؤوۆرده یوردومیزی ایکی اِسسه یوُقارلادیپ دۆنیأنینگ اینگ گۆیچلی ایقدیصاتلاری نینگ آراسیندا حاق ادن یریمیزه گتیرمه‌ک‌دیر" دیدی.
