اینچه بورون " اوُرتاآسیا یورتلاری نینگ گیره‌لگِه‌سی" بوُلدی

ایران بیلن تۆرکمنیستان ینگ آراچأگیندأکی اینچه بورون گۆمرۆک گِچِلگِه‌سیندن ترانزیت قاتناو یوُقارلاماغا دوُوام ادیأر.

سوُنگقی 11 آی‌دا اینچه بورون دان 31 مۆنگ 215 کامیون گچدی.

اؤنگکی ییل اینچه بورون دان کامیون قاتناوی دوروزیلیپدی.

بو سِرحِت گِچِلگِه‌سیندن گچن کامیونلارینگ 76 گؤتِریمی (%) تۆرکمنیستان دان، 15 گؤتریمی ایران دان و قالانی تۆرکیه و بیله کی یورتلاردان.

گۆلیستان ولایاتی نینگ قاتناو اداراسی نینگ باشلیغی عادل مصدقی ایرنا برن ماغلوماتیندا اینچه بورون دان گۆن‌ده اوُرتاچا 110 کامیونینگ گچیأندیگینی آیتدی.

مصدقی اؤنگۆمیزدأکی هجری شمسی ییلیندا بو موقداری گۆنده 150 کامیونا یتیرمه ک ایسله یأندیکلرینی سؤزلرینه قوُشدی.

اینچه بورون ینگ بالقان آبادا بوُلان 230 کیلومترلیک یوُلونینگ دا یانگاداندان دۆزه‌دیلیأندیگینی آیدان مصدقی بو پروژه نینگ ایرانلی بیر شرکت تاراپیندان دوُوام ادیلجکدیگینی نیغتادی.