تۆرکیه دن داشاری یورتلارا بیر آی‌دا 2.17 میلیارد دلار گؤک اؤنۆم و ایمیت- آذیق ساتیلدی

2024-نجی ییلینگ بیرینجی آیی بوُلان یانوار (ژانویه) آییندا تۆرکیه داشاری یورتلارا 2 میلیارد 170 میلیون دلار اکرانچیلیق، ایمیت و ایچگی اؤنۆملرینی ساتدی.

اکرانچیلیق و ایمیت اؤنۆملری نینگ داشاساتوو موقداری اؤتن ییلینگ ژانویه آیینا گؤرأ 11.63 گؤتِریم یوُقارلادی.

تۆرکیأنینگ بو پوداقدا داشاری یورتلاردان ساتین آلان اؤنۆملری ده 16.77 گؤتِریم آزالدی و 1.6 میلیارد دلارا بارابار بوُلدی.

تۆرکیه اکرانچیلیق و ایمیت پوداغیندا داشاری یورتلارا اینگ کؤپ شکر و شکرلی اؤنۆملر، میوه، قابیقلی میوه، بالیق و اون ساتدی.

تۆرکیه دن اکرانچیلیق و ایمیت پوداغیندا اینگ کؤپ اؤنۆم ساتین آلان یورت 305 میلیون دلار بیلن عیراق بوُلدی.

تۆرکیه یانوار آییندا آلمانیا 171 میلیون دلار، روسیا 136 میلیون دلار، آمریکا 123 میلیون دلار و ایتالیا دا 96 میلیون دلار اکرانچیلیق و آذیق اؤنۆمینی ساتدی.