تۆرکیأنینگ ایقدیصادیهتی 5.9 گؤتریم اؤسدی
تۆرکیأنینگ ایقدیصادیه تی 3 آیلیق گۆیز مؤوسۆمینده 5.9 گؤتریم یوُقارلادی
تۆرکیأنینگ ایقدیصادی 2023-نجی ییلینگ گۆیزینده 5.9 گؤتِریم (%) یوُقارلادی.
تۆرکیأنینگ حاسابات قوراماسی ایول- سپتامبر آرالیغینداقی اۆچ آیلیق دؤورینگ گؤرکِزیجیلرینی چاپ اتدی.
شوُنگا گؤرأ تۆرکیأنینگ ایقدیصادیه تی 3 آیلیق گۆیز مؤوسۆمینده 5.9 گؤتریم یوُقارلادی.
قاراشیلان اؤسۆش بوُلسا 5.6 گؤتریمدی.
شوُل دؤوۆرده قورلوشیق پوداغی 8.1 گؤتریم، صناغات 5.7 گؤتریم، فاینانس 5.1 گؤتریم، حیذماتلار 4.3 گؤتریم، تعلیم تربیه، انسانی ساغلیق و سوسیال حیذمات پوداغی 3.6 گؤتریم، املاک 2.7 گؤتریم، بیله کی حیذماتلار 2.2 گؤتریم، آراقاتناشیق پوداغی 1.7 گؤتریم و اکرانچیلیق 0.3 گؤتریم یوُقارلادی.
تۆرکیأنینگ ایقدیصادیه تی اوُزالقی اۆچ آیا (توُموس مؤوسۆمینه) گؤرأ 0.3 گؤتریم یوُقارلادی.
تۆرکیأنینگ غازنا و مالیه وزیری محمت شیمشک "آلیپ باران قانونی سیاساتلاریمیز بیلن تورم نیرخینی و بودجه دأکی دنگ آغرامسیزلیغی آزالتماغا و ماکرو-فاینانس دورنوقلیلیغا دوُوام ادیأریس" دیدی.
دِگیشلی حابارلار
تۆرک هوُوا یوُللاری اوُوغانیستانا اوچار ساپارینی باشلاتدی
هر هپده آننا گۆنی و یکشنبه لری ایستامبول- کابل آراسیندا 4 اوچار ساپاری قورلار