تۆرکیه قاتناو قورلوشیقلاری اۆچین 168 میلیارد دلار مایا قوُیار

تۆرکیأنینگ قاتناو و اساسی قورلوشیقلار وزیری سوُنگقی 21 ییلدا قاتناو پوداغینداقی ایری پروژه لر اۆچین 194 میلیارد دلار حارجاناندیغینی آیتدی و 2053-نجی ییلا چنلی ده تۆرکیأنینگ بو پوداقدا 168 میلیارد دلار مایا قوُیجاقدیغینی سؤزلرینه قوُشدی.

عبدالقادیر اورال اوُغلی اوروپا بیله له شیگی نینگ یر ایه چیلیگینده بروکسل ده گچیریلن گلوبال گچِلگه فوُرومینداقی قاتناو کریدورلاری پانلینده چیقیش اتدی.

تۆرکیأنینگ اولی استراتژیک یرینه اۆنس چکن اورال اوُغلی، تۆرکیه دن دینگه 4 ساغات اوچوپ 67 یوردا گیدیپ بوُلیادیغینی بیلدیردی.

اورال اوُغلی تۆرکیأنینگ قاتناو پوداغینداقی ایری پروژه لرده 2053-نجی ییلا چنلی 168 میلیارد دلار مایا قوُیجاقدیغینی آیتدی و سوُنگقی 21 ییلدا بو پوداقدا 194 میلیارد دلارلیق پروژه نینگ عامالا آشیریلاندیغینی بیلدیردی.

تۆرک وزیر اوُرتا کریدورینگ أهمیتینه ده اۆنس چکدی و "اوروپا بیله له شیگی بیلن قاتناشیقلاریمیزا أهمیت بریأریس اِمما گۆن دوُغاریمیزداقی یورتلار دا بیزینگ اۆچین أهمیتلیدیر. گۆرجیستان، آذربایجان، قازاغیستان، اؤزبگیستان و هممه سی بیلن قاوی قاتناشیقلاریمیز بار" دیدی.