قیرغیزیستان تۆرکمنیستان دان آلیان الکتریک انرژی مؤچبرینی یوُقارلاتماق ایسله یأر

قیرغیز جمهوریتی 2024-نجی ییلدا تۆرکمنیستان دان 1.7 میلیارد کیلووات الکتریک انرژیسینی ساتین آلماق ایسله یأر.

قیرغیزیستان ینگ انرژی وزیری تالای بک ایبرایف ریانووستی حابار سریشده سینه آیدان سؤزلرینده یوردونینگ تۆرکمنیستان دان آلیان انرژی مؤچبرینی یوُقارلاتماق ایسله یأندیگینی بیلدیردی.

ایبرایف 2023-نجی ییلدا قیرغیزیستان ینگ تۆرکمنیستان دان 1.6 میلیارد کیلوواتا قوُلای الکتریک ساتین آلجاقدیغینی آیتدی.

قیرغیز وزیر بو موقدارینگ 2024-نجی ییلدا 1.7 میلیارد کیلوواتا یتجکدیگینی حابار بردی.

قیرغیزیستان 2022-نجی ییلدا 16 میلیارد کیلووات الکتریک انرژیسینی اولانیپدی.

بو موقدار شو ییل 17.3 میلیارد کیلوواتا یتر.

تۆرکمنیستان اؤزبگیستان و ایرانا دا الکتریک انرژیسینی ایبریأر.