تۆرکیأنینگ زیتین اؤنۆمی یوُقارلادی
دۆنیأده زیتین اؤنۆمی آزالدی، تۆرکیه ده یوُقارلادی
اوروپاداقی اقلیم یاغدایی سبأپلی زیتین و زیتین یاغی نینگ اؤنۆمی آزالدی.
تۆرکیه ده بوُلسا اؤنۆم رکورد قوُیماغا طایارلانیار.
دۆنیأده زیتین و زیتین یاغی نینگ اؤنۆمی آشاقیزغین هوُوا سبأپلی سوُنگقی 5 ییلینگ اینگ آز مؤچبرینه یتدی.
اسپانیادا زیتین اؤنۆمی اؤرأن آزالدی.
ییلدا اوُرتاچا 1 میلیون 491 مۆنگ تن زیتین اؤندۆرن بو اۆلکه 2022-2023 مؤوسۆمینده دینگه 663 مۆنگ تن زیتین اؤندۆریپ بیلدی.
اسپانیانینگ زیتین اؤنۆمی اؤنگکی دؤوره گؤرأ 56 گؤتِریم (%) آزالدی.
ایتالیادا دا اؤتن ییل 329 مۆنگ تن زیتین اؤندۆریلیپدی. شو ییل بو موقدار 27 گؤتِریم آزالدی و 241 مۆنگ تن بوُلدی.
پرتغال دا 206 مۆنگ تن بوُلان اؤنۆم شو ییل 39 گؤتِریم آزالدی و 126 مۆنگ تن بوُلدی.
یونان دا اؤتن ییل 232 مۆنگ تن زیتین اؤندۆریپدی. بو موقدار شو ییل 47 گؤتریم یوُقارلادی و 340 مۆنگ تن بوُلدی.
اؤتن ییل 235 مۆنگ تن زیتین اؤندۆرن تۆرکیأنینگ شو ییل 422 مۆنگ تن زیتین اؤندۆرمه گینه قاراشیلیار.
دِگیشلی حابارلار
تۆرکیأنینگ صناغات اؤنۆمچیلیگی یوُقارلادی
تۆرکیأنینگ صناغات اؤنۆمچیلیک ایندکسی بیر ییلدا 4.3 گؤتِریم یوُقارلادی