تۆرکیه ده 1400-دن کؤپ سعودی عربیستانلی شرکت ایشله‌یأر

تۆرکیأنینگ سؤودا- تیجارت وزیری عمر بوُلات تۆرکیه ده 1400-دن کؤپ سعودی عربیستانلی شرکتینگ ایش آلیپ باریاندیغینی آیتدی و "سعودی عربیستانلی مایاقوُیومچیلار و ایشه‌وۆرلر یودومیزا اینام ادیأر. موندان کؤپ سعودی ایشه‌وۆرینگ و شرکتینگ اۆلکأمیزدأکی مایاقوُیوم پورصاتلاریندان پیدالانماغینا قاراشیاریس" دیدی.

جده ده ایش فوُرومیندا چیقیش ادن تۆرک وزیر ایکی یوردونگ سؤودا- تیجارت قاتناشیقلاری نینگ أهمیتینه اۆنس چکدی و تأزه حیذماتداشلیق پورصاتلرای نینگ دؤره‌دیلمه‌گینه دوُوام ادیلیأندیگینی سؤزلرینه قوُشدی.

تۆرکیأنینگ داشاری ایقدیصادی قاتناشیقلار قوراماسی تاراپیندان گچیریلن ایش فوُرومینا تۆرکیأنینگ داشاری ایشلر وزیری هاکان فیدان، انرژی و طبیغی سریشده لر وزیری آلپ آرسلان بایراقدار، میللی قوُرانماق وزیری یاشا گۆلر، صناغات و تکنولوژی وزیری محمت فاتیح قاجیر و سعودی عربیستان ینگ مایاقوُیوم وزیرلیگی نینگ جوُغاپکأرلری ده قاتناشدی.