اوروپا بیله له شیگی نینگ روسیادان ساتین آلیان نبیت موقداری ۹۰ گؤتِریم آزالدی

اوروپا بیله له شیگی نینگ یورتلاری، روسیادان آلیان نبیت موقدارینی شو ییلینگ مارس آییندا ساواشدان اوُزالقی آیلارا گؤرأ 90 گؤتِریم (%) آزالتدی.

یورواستات قوراماسی مارت آییندا اوروپا بیله له شیگینه آغضا اۆلکه لینگ روسیادان 1.4 میلیون تن چیغ نبیت و نبیت اؤنۆملرینی ساتین آلاندیقلارینی بیلدیردی.

اوروپا بیله له شیگینه آغضا یورتلار 2019- 2020 دؤورۆنده روسیادان آیدا اوُرتاچا 15.2 میلیون تن نبیت ساتین آلیاردی.

شیله لیک بیلن اوروپا بیله له شیگی نینگ روسیادان آلیان نبیت و نبیت اؤنۆملری 90 گؤتِریم آزالدی.

اوروپا بیله له شیگی، روسیا بیلن اوکراینانینگ ساواشی نینگ باشلاماغیندان سوُنگا روسیادان دنگیز یوُلی بیلن گتیریلیأن نبیته قاداغانچیلیق قوُیوپ روسیادان نبیت آلماغی چلک باشینا اینگ کؤپ 60 دلار بیلن چأکلندیریپدی.