تۆرکیه اتوموتیو پوداغیندا مارت آیی نینگ رکوردینی قوُیدی

تۆرکیه شو ییلینگ مارت آییندا داشاری یورتلارا 3.3 میلیارد دلار اتومبیل و یدک پارچا ساتدی و رکورد قوُیدی.

اؤتن ییلینگ مارت آیینا گؤرأ شو ییل بو پوداقدا داشاساتوو 22.8 گؤتِریم (%) یوُقارلادی.

2023-نجی ییلینگ اۆچ آیلیق دؤورۆنده بوُلسا (یانوار- مارت) اتوموتیو پوداغینداقی داشاساتوو موقداری 15.8 گؤتریم یوُقارلادی و 8 میلیارد 619 میلیون دلارا یتدی.

آلمانیا، فرانسیا و بریتانیا تۆرکیه دن اینگ کؤپ اتومبیل و یدک پارچا آلان یورتلار.

تۆرکیأنینگ آلمانیا اتوموتیو داشاساتووی مارت آییندا 475 میلیون دلار بوُلدی.

فرانسیا ادیلن ساتوو 97 گؤتریم یوُقارلادی و 439 میلیون دلارا یتدی.

بریتانیا ادیلن داشاساتوو دا 15 گؤتریم یوُقارلادی و 309 میلیون دلارا یتدی.

تۆرکیه شو ییل بو پوداقدا 34 میلیارد دلار داشاساتووا قاراشیار.