آنکارا- ایزمیر آراسیندا یۆورۆک ترن اۆچین دمیریوُل قورولیار

تۆرکیأنینگ دمیریوُل قورلوشیق پروژه لری دوُوام ادیأر.

آنکارا بیلن ایزمیرینگ آراسیندا چکیلجک یۆورۆک ترن دمیریوُلی بیلن، ایکی شهرینگ آراسینداقی قطار بیلن یوُلاغچیلیق 14 ساغاتدان 3 ساغات یاریما یتیرلر.

تۆرکیأنینگ قاتناو و اساسی قورلوشیقلار وزیری عادل قارااسماعیل اوُغلی آنکارا بیلن ایزمیرینگ آراسینداقی 525 کیلومتر تأزه دمیریوُل چکیلنده ایکی شهر آراسیندا ییلدا 13 میلیون 500 مۆنگ یوُلاغچی و 90 میلیون تُن یۆک قاتنادیلجاقدیغینی آیتدی.

حالقالی- قاپی کوله آراسیندا چکیلجک دمیریوُل بیلن ایستامبول- ادیرنه آراسینداقی ترن یوُلاغچیلیغی نینگ دا 4 ساغاتدان 1 ساغات 20 داقیقا یتیریلجکدیگینی نیغتان تۆرک وزیر، قونیه بیلن آدانانینگ آراسیندا چکیلیأن دمیریوُل بیلن ایکی شهرینگ آراسینداقی 6 ساغاتلیق یوُلاغچیلیغینگ 2 ساغات 20 داقیقا یتیریلجکدیگینی آیتدی.

قارااسماعیل اوُغلی مرسین- آدانا- عثمانیه- غازی آنتپ یۆورۆک ترن پروژه سی نینگ ده 2024-نجی ییلدا آچیلجاقدیغینی بیلدیردی.

قاتناو وزیری آنکارا- سیواس یۆورۆک ترن دمیریوُلی نینگ قورلوشیق ایشلری نینگ 99 گؤتریمی نینگ قوتاراندیغینی آیتدی و بو یوُلونگ آچیلماغی بیلن آنکارا- سیواس آراسینداقی یوُلاغچیلیغینگ 12 ساغاتدان 2 ساغاتا یتجکدیگینی بیلدیردی.

تۆرک وزیر آنکارا- ایزمیر یۆورۆک ترن پروژه سی نینگ اساسی قورلوشیقلاری نینگ 52.4 گؤتریمی نینگ ده قوتاراندیغینی سؤزلرینه قوُشدی.