ایستامبول قوُنالغالاری نینگ یوُلاغچیلاری 49 گؤتریم یوُقارلادی

ایستامبول‌داقی قوُنالغالاردان پیدالانیان یوُلاغچیلارینگ سانی 2021-نجی ییلینگ 11 آییندا اؤتن ییلینگ شوُل دؤورۆنه گؤرأ 49 گؤتریم یوُقارلادی.

ایستامبول قوُنالغاسی، صابیحا گؤکچن و آتاتۆرک قوُنالغاسیندان پیدالانیان یوُلاغچیلارینگ سانی اؤتن ییلا گؤرأ 49 گؤتریم یوُقارلادی.

ایستامبول داقی قوُنالغالار 11 آیدا 56 میلیون 20 مۆنگ 455 یوُلاغچا حیذمات بردی. ایچری حاطلاردان 24 میلیون 621 مۆنگ 677 یوُلاغچی، داشاری یورت حاطلاریندان دا 31 میلیون 398 مۆنگ 778 یوُلاغچی پیدالاندی.

اؤتن ییل ایستامبول داقی قوُنالغالار 37 میلیون 511 مۆنگ 480 یوُلاغچا حیذمات بریپدی.

ایستامبول ینگ حالقارا قوُنالغاسی شو ییلینگ یانوار- نوُیابر آرالیغیندا 33 میلیون 261 مۆنگ 923 یوُلاغچا حیذمات بردی.

صابیحا گؤکچن قوُنالغاسیندان پیدالانان یوُلاغچی سانی دا 22 میلیون 758 مۆنگ 532.

ایستامبول ینگ قوُنالغالاریندان اوچان یادا شوُل قوُنالغالارا قوُنان اوچارلارینگ سانی دا یوُقارلادی و 251 مۆنگ 647 اوچارا یتدی.

اوچان و قوُنان اوچارلارینگ سانی اؤتن ییلینگ 11 آیینا گؤرأ 41 گؤتریم یوُقارلادی.