تۆرکیأنینگ آغیر ولایاتیندا 20 تن آلتین و 3.5 تن کۆمۆش تاپیلدی

تۆرکیأنینگ صناغات و تکنولوژی وزیری مصطفی وارانک آغری ولایاتی نینگ ملاقارا اوُباسیندا قیمماتی 1.2 میلیارد دلار بوُلان 20 تن آلتین و قیمماتی 2.8 میلیون دلار بوُلان 3.5 تن کۆمۆش تاپیلاندیغینی مألیم اتدی.

وارانک قوُزا آلتین اؤنۆمچیلیگی کأرحاناسی نینگ آغری ملاقاراداقی دسگاسی نینگ قورلوشیغینا بادالغا بردی.

صناغات و تکنولوژی وزیری دابارادا ادن چیقیشیندا 160 میلیون دلارلیق مایاقوُیوم بیلن قورولجاق دسگانینگ آغری ولایاتی نینگ قالقینیشیندا و آلتین اؤنۆمچیلیگی مسئله سینده اولی رُل اوُیناجاقدیغینی و تۆرکیأنینگ گۆیجۆنه گۆیچ قوُشجاقدیغینی آیتدی.

شو گۆنکی گۆنده تۆرکیأنینگ دۆنیأنینگ آلتین اؤندۆریجی یورتلارینگ ساناویندا اساسی اوُرون ایه له یأندیگینی نیغتان مصطفی وارانک، گچن ییل تأزه گؤرنۆش کروناویروس کسلینه قارامازدان 42 تن آلتین ینگ اؤندۆریلندیگینی آیتدی.