تۆرکیه اۆچ آیدا 7 میلیارد 690 میلیون دلار اتوموبیل و یدک پارچا ساتدی
بو پوداقداقی داشاساتوو اؤتن ییلینگ اۆچ آیینا گؤرأ 10.2 گؤتریم یوُقارلادی
تۆرکیأنینگ 2021-نجی ییلینگ ایلکینجی اۆچ آیینداقی اتومبیل و یدک پارچا پوداغینداقی داشاساتووی 7 میلیارد 690 میلیون 521 مۆنگ دلارا بارابار بوُلدی.
بو پوداقداقی داشاساتوو اؤتن ییلینگ اۆچ آیینا گؤرأ 10.2 گؤتریم یوُقارلادی.
تۆرکیأنینگ 69 ولایاتیندان داشاری یورتلارا اتومبیل و یدک پارچا ساتیلدی.
قوُجاالی ولایاتی 1 میلیارد 920 میلیون 947 مۆنگ دلار داشاساتوو بیلن تۆرکیأنینگ بیرینجی ولایاتی بوُلدی.
بورسا 1 میلیارد 902 میلیون 559 مۆنگ دلار بیلن ایکینجی اوُرونا ایه بوُلدی.
ایستامبول 1 میلیارد 542 میلیون 168 مۆنگ دلار بیلن اۆچۆنجی یره ایه بوُلدی.
ساکاریا 1 میلیارد 287 میلیون 916 مۆنگ دلار بیلن دؤردۆنجی و آنکارا 265 میلیون 895 مۆنگ دلار بیلن سوُنگراقی اوُرونلارا ایه بوُلدی.
آلمانیا 1 میلیارد 100 میلیون 530 مۆنگ دلار بیلن تۆرکیه دن اینگ کؤپ اتومبیل و یدک پارچا آلان یورت بوُلدی.
آلمانیادان سوُنگرا 927 میلیون 895 مۆنگ دلار بیلن فرانسیا و 757 میلیون 610 مۆنگ دلار بیلن بریتانیا یر آلیار.
دِگیشلی حابارلار
تۆرکیه ده الکتریکلی اولاغ ساتووی اؤتن ییل ۸ اِسسِه یوُقارلادی
تۆرکیه ده الکتریکلی ماشین ساتووی توُگ اولاغی نینگ اؤندۆریلمأگه باشلانان گۆنۆندن بأری یوُقارلایار