گۆرگن- آق تاو آراسیندا اوچار ساپارلاری باشلایار

قازاغیستان ینگ منگستاو (مانقشلاق) ولایاتی بیلن ایران ینگ گۆلیستان ولایاتی نینگ مرکزلری نینگ آراسیندا اوچار ساپارلاری باشلایار.

پنج شنبه گۆنی (فروردین آیی نینگ 12-سینده) گۆرگن- آق تاو آراسیندا بیرینجی اوچار ساپاری باشلار.

ایران ینگ داشاری ایشلر وزیرلیگی نینگ گۆلیستان ولایاتینداقی وکیلی ذوالفقار امیرشاهی بو اوچار ساپاری نینگ أهمیتینه اۆنس چکدی.

امیرشاهی گۆلیستان ولایاتیندان کؤپ سانلی اوُقووچی نینگ تۆرکیه دأکی بیلیم یورتلاریندا اوُقایاندیغینی دا سؤزلرینه قوُشدی و مۆمکینچیلی دؤرأن یاغداییندا گۆرگن- ایستامبول آراسیندا دا اوچار قاتنادیلماغینی ایسله یأندیکلرینی بیلدیردی.

گۆرگن ینگ قوُنالغاسیندان تهران، کیش، زاهدان، مشهد و بندرعباس یالی شهرلره ایزی گیدرلی یاغدایدا یوُلاغچی اوچاری قاتنادیلیار.

 گۆرگن ینگ حالقارا قوُنالغاسیندان داشاری یورت اوچوشلاری نینگ باشلادیلماغی گۆلیستان ولایاتی نینگ ایقدیصادی اؤسۆشینه قوُشانت قوُشار.