تۆرکیه فِورال آییندا داشاساتوودا رکورد قوُیدی

تۆرکیأنینگ سؤودا (تیجارت) وزیری روحسار پک جان فورال آییندا تۆرکیأنینگ داشاساتوو مسئله سینده تاریحی رکورد قوُیاندیغینی آیتدی.

پک جان فورال (فوریه) آییندا داشاساتووینگ 9.6 گؤتریم یوُقارلاپ 16 میلیارد 12 میلیون دلارا یتندیگینی آیتدی و

"شیله لیک بیلن بۆتین ییللارینگ فورال آیینداقی اینگ یوُقاری داشاساتووی اتدیک" دیدی.

تأزه گؤرنۆشلی کروناویروس سبأپلی گلوبال ایقدیصادیه تده قینچیلیق بوُلماغینا قارامازدان تۆرکیأنینگ ایقدیصادیه تی نینگ یوُقارلایاندیغینی آیدان پک جان، تۆرکیأنینگ گ- 20 توُپاریندا حیتای بیلن بیله لیکده اؤسن ایکی یورتدان بیری بوُلاندیغینا اۆنس چکدی.

تۆرک وزیر، شو ییلینگ 2 آییندا داشاساتووینگ داشاری یورتلاردان آلینان اؤنۆملرینگ اۆپجۆن ادیأن موقداری نینگ 79.5 گؤتریمدن 82.9 گؤتریمه یتندیگینی ده یاتلاتدی.

روحسار پک جان "فورال آییندا داشاری یورتلاردان آلینان اؤنۆملر، 2020-نجی ییلا گؤرأ 9.8 گؤتریم اؤسۆپ 19 میلیارد 372 میلیون دلارا یتدی. ایلکینجی ایکی آیدا سؤوداداقی دنگ آغرامسیزلیق 15.3 گؤتریمده قالدی." دیدی.