تۆرکیأنینگ الکتریکلی میللی قطارلاری طایار

تۆرکیأنینگ قاتناو و اساسی قورلوشیقلار وزیری عادل قارااسماعیل اوُغلو الکتریکلی میللی ترنلرینگ شو ییل دمیریوُللاردا بوُلجاقدیغینی آیتدی.

قارااسماغیل اوُغلو ساکاریادا ایلکینجی یرلی الکتریکلی قطار کأرحاناسی نینگ سیناغ اِتابی نینگ داباراسینا قاتناشدی.

قارااسماعیل اوُغلو شوُل دابارادا برن بیاناتیندا، دمیریوُل تکنولوژیسیندا یرلی و میللی انجاملارینگ اؤندۆریلمه‌گینه دوُوام ادیلیأندیگینی آیتدی و

"ماقصادیمیز تۆرکیأنی قطار اؤنۆم مرکزینه اؤوۆرمه‌کدیر" دیدی.

یرلی و میللی ترن ینگ تیزلیگی نینگ ساغاتدا 160 کیلومتره یتیأندیگینی و تاسلامالارا گؤرأ بو تیزلیگینگ 176 کیلومترده بوُلاندیغینی آیدان قارااسماعیل اوغلو، یوُلاغچیلارینگ حوُوپسوزلیغی و بو قطارلاری بگِنمه گی نینگ اینگ اساسی ماقصاتلاری بوُلاندیغینی و شول ماقصادینگ اۆپجۆن ادیلیأندیگینی بیلدیردی.

تۆرک وزیر، 5 واگنلی بیر ترن ینگ 324 یوُلاغچی و 2 ماییپ یوُلاغچیلارا حیذمات برجکدیگینی بیلدیردی.

عادل قارااسماعیل اوغلو شو واغت پروتوتیپ گؤرنۆشده طایارلانان میللی قطارلاردا تۆرکیأنینگ پایی نینگ 60 گؤتریم بوُلاندیغینی و بو پایینگ 80 گؤتریمه یتیریلجدیگینی نیغتادی.

قاتناو و اساسی قورلوشیقلار وزیری "پروتوتیپ ست داشاری یورتلاردان گتیریلیأن اؤنۆملره گؤرأ 20 گؤتریم آرزان‌راقدیر" دیدی.

قارااسماعیل اوُغلو "یوردومیز ایندی یوروک ترن و یوُقاری تیزلیکلی یوروک ترنلری اؤزی اؤندۆری بیلجک یاغدایا گلدی. ایندیکی اتاپدا تۆرکیأنینگ داشاری یورتلاردان ترن آلماغینا گره‌ک قالمادی" دیدی.