تۆرکیه ایران ینگ گۆلیستان ولایاتیندا ۳۰۰ میلیون دلار مایا قۇیار
تۆرکیه گۆلیستان ولایاتی نینگ توریسم پوداغیندا مایا (سِرمایا) قۇییار
ایران ینگ گۆلیستان ولایاتی نینگ ایقدیصادی و سؤودا ایشلری اداراسی نینگ باشلیغی داوود طبرسا شۇل ولایاتدا داشاری یورتلاردان ۳۰۸ میلیون دلار مایا قۇیولجاقدیغینی آیتدی.
طبرسا تۆرکیأنینگ گۆلیستان ولایاتی نینگ سیاحاتچیلیق پوداغیندا ۳۰۰ میلیون دلار مایا قۇیجاقدیغینی بیلدیردی.
تۆرکیه، ایران بیلن ایقدیصادی قاتناشیقلارینی اؤسدۆرمهک ایسلهیأر.
ایکی یوردونگ بۇلباشچیلاری، ایقدیصادی قاتناشیقلارینگ یۇقارلادیلماغی اۆچین تاغاللا ادیأندیکلرینی آیدیار.
حازاریاقاسینداقی گۆلیستان ولایاتی سیاحاتچیلیق پوداغیندا اولی پتانسیله ایه.
یاشیل اؤوسیأن تۇقایلاری، حازار دنگیزی و تۆرکمن اۇتوریملی شهرلری بیلن، آشورآدا، کۆممِت دینگی، گۆرگِن شهری، ماغتیمقولی پیراغی نینگ قبوری و شونگا مِنگزِش انچِمه طبیغی و مدنی اۇوادانلیقلارا ایه بۇلان گۆلیستان ولایاتی سیاحاتچیلیق پوداغی بیلن اولی اؤنگه گیدیشلیک ادیپ بیلجک ولایاتلاردان بیری.
تۆرکمنیستان بیلن سرحدی بۇلان بو ولایات، داشاری یورتلار بیلن سؤودا قاتناشیقلارینی دا اؤسدۆریپ بیلر.
فتوصوراتینگ چشمه سی: ایرنا گلستان
دِگیشلی حابارلار
سان اکسپرس ایزمیردن یِدی داشاری یورت قوُنالغاسینا اوچار ساپارینی باشلاتدی
سان اکسپرس ایزمیردن 46 یره هپده ده 271 داشاری یورت ساپارینی قوریار
آمریکادا تورم نیرخی آپریل دا 3.4 گؤتریم بوُلدی
آمریکادا آپریل آییندا تورم نیرخی (اینفلاسیا) آیلیق دؤورده 0.3 گؤتریم یوُقارلادی و 3.4 گؤتریمه یتدی