تۆرک هۇوا یۇللاری اۇوغانیستانینگ اؤنۆملرینی اوروپا آلیپ بارار
اۇوغان اؤنۆملری مزار شریف- ایستامبول هۇوا کریدوری بیلن اوروپادا ساتیلار
تۆرک هۇوا یۇللاری ایستامبول – بلخ ساپاری بیلن تۆرکیأ گتیریلجک اۇوغان اؤنۆملرینی اوروپاداقی بازارلارا اِلتیپ برر.
شو گۆن تۆرک هۇوا یۇللاری نینگ بلخ- ایستامبول ساپاری باشلادی.
ایلکینجی ساپار اۆچین مزار شریف حالقارا (بین المللی) قۇنالغاسیندا دابارا گچیریلدی.
دابارادا چیقیش ادن بلخ ینگ ولایات حأکیمی اسحاق رهگذر اۇوغان ارنۆملری نینگ داشاساتووی اۆچین اۇوغان حؤکۆمتی نینگ اولی تاغاللا ادیأندیگینی آیتدی.
اۇوغانیستان ینگ اؤنۆملری نینگ قوری یردن، دنگیزدن و هۇوادان داشاری یورتلارا ساتیلیپ بیلینیأدیگینی آیدان رهگذر شیله لیک بیلن یوردونگ ایقدیصادی اؤسۆشی نینگ یۇقارلایاندیغینی آیتدی.
رهگذر "تۆرک هۇوا یۇللاری نینگ ایلکینجی اوچاری بیلن ۵ تن قوری میوا ایستامبول اۆستی بیلن لندن شأهِرینه ایبریلر" دیدی.
تۆرکیأنینگ مزار شریف دأکی باش کنسولی شوقی سچکین آلپای دا تۆرک و اۇوغان حالقلاری نینگ دۇست و دۇغانلیق حالقلار بۇلاندیغینی و ایکی یوردونگ آراسینداقی باغلانشیغینگ گۆیچلی تاریح و مدنیته اساسلاندیاندیغینی بیلدیردی.
دِگیشلی حابارلار
تۆرک هوُوا یوُللاری اوُوغانیستانا اوچار ساپارینی باشلاتدی
هر هپده آننا گۆنی و یکشنبه لری ایستامبول- کابل آراسیندا 4 اوچار ساپاری قورلار