تۆرکیأنینگ میللی حوُوپسوزلیق گنگه‌شی ترورچیلیق بیلن گؤره‌شه اۆنس چکدی
گِنگِه‌ش تۆرکیأنینگ جمهورباشلیغی رجب طیب أردوُغان ینگ یوُلباشچیلیغیندا ماصلاحات گچیردی
تۆرکیأنینگ میللی حوُوپسوزلیق گِنگِه‌شی ترور قوراماسینا یۆز برن بۆتین تاراپلارینگ ترورچیلیق بیلن باغلانشیغینی همیشه لیک یاغدایدا و گیجأ قالمان دوروزماغی نینگ أهمیتینه اۆنس چکدی.
گِنگِه‌ش تۆرکیأنینگ جمهورباشلیغی رجب طیب أردوُغان ینگ یوُلباشچیلیغیندا ماصلاحات گچیردی.
ماصلاحاتدان سوُنگرا بریلن بیان نامادا بؤلگأنینگ گلجگینده ترور قورامالاری و قوُلداوچیلاری نینگ هیچ بیر یری بوُلماندیغینا اۆنس چکیلدی و "پ. ک. ک/ ک. ج. ک- پ. ی. د/ ی. پ. گ ترور قوراماسی نینگ اوروپادا یاشایان یورتداشلاریمیزی و وکیلچیلیکلریمیزی نیشان آلان هۆجۆملری نینگ یاقیندان ایزارلانیاندیغی بیلدیریلدی. ترور قورامالارینا یۆز برن بۆتین تاراپلارینگ ترورچیلیق بیلن باغلانشیغینی همیشه لیک یاغدایدا و گیجأ قالمان دوروزماغی نینگ أهمیتینه اۆنس چکیلدی" دییلدی.
حالقارا جمغیتچیلیکدن ده ایسرائیل ینگ غزه حالقینا و کؤمِک یتیریأن قورامالارا قارشی 7-نجی اکتبردان بأری دوُوام ادیأن هۆجۆملرینی دوروزماغی باراسیندا و همیشه لیک پاراحاتچیلیغینگ یوُلا قوُیولماغینا قوُلداو برمه گی اۆچین کؤمِک ایسله ندی.
