ایستامبول‌دا ایسرائیل ینگ هۆجۆملری یازغاریلدی

ایسرائیل ینگ غزه ده ادیأن قیرغینچیلیغی ایستامبول دا مۆنگلرچه آدام تاراپیندان یازغاریلدی.

فاتیح محله سینده 4 مۆنگ آدام ایسرائیل ینگ غزه ده ادیأن هۆجۆملرینی برک یازغاردی.

"فلسطین باشلانغیجی" آدینداقی توُپارینگ ایسله گی بیلن گچیریلن یؤریشده یؤریشچیلر فلسطین ینگ بایداقلاری بیلن سلطان احمد میدانیندا اۆیشدی و ایسرائیلا قارشی شیغارلار بریپ امین اؤنۆ میدانینا چنلی یؤریدی.

یؤریشچیلره یوُلدان گچیأن یرلی و داشاری یورتلی توریستلار دا قوُلداو بردی.

پلیس گۆیچلری یؤریشچیلرینگ تؤوه‌رگینده حوُوپسوزلیق چأره سینی گؤردی.

بیانات برن اسماعیل خالص دۆنیأنینگ ایسرائیل ینگ غزأ ادن هۆجۆملرینی گؤرمأنسیریأندیگینی آیتدی و قیرغینچیلیغینگ شو واغت دوروزیلماغینی ایسله یأندیکلرینی بیلدیردی.

ایسرائیل 7-نجی اکتبردان بأری غزه ده ادن هۆجۆملرینده 32 مۆنگ 552 فلسطینلی‌نی اؤلدۆردی.

شوُلاردان 14 مۆنگ 280 سانیسی چاغالار، 9 مۆنگ 340 سانیسی زنانالار.

ایسرائیل ینگ هۆجۆمینده 74 مۆنگ 980 آدام دا یارالاندی.

ییقیلان اؤیلرینگ آشاغیندان چیقاریلمایان مۆنگلرچه فلسطینلی نینگ جسدی نینگ ده باردیغی آیدیلیار.