أردوُغان: بیز تاپاووتلاریمیزا قارامازدان، 85 میلیونلیق بیر ماشغالادیرس

تۆرکیأنینگ جمهورباشلیغی رجب طیب أردوُغان 31-نجی مارت دا گچیریلجک شهر و اوُیا سایلاولاری بیلن باغلانشیقلی یازماچا بیانات بردی.

تۆرک یوُلباشچی سایلاو بیلن باغلانشیقلی جبیسلیگه اۆنس چکدی و شیله یازدی:

"بیز بۆتین تاپاووتلاریمیزا قارامازدان 85 میلیونلیق بیر ماشغالادیرس. سایلاو شیغاریمیزدا آیدیشیمیز یالی: هممأمیز بیر باغینگ گۆلی، هممأمیز بیر داغینگ یلی‌دیرس. بو جبیسلیگی نأددرجه گۆیچلی توتساق شوُنچا دا گلجگیمیزه اینام بیلدیریپ بیلریس. سیاسی قاراییشلاریمیز، کؤنگۆل برن حزبلریمیز، کؤکلریمیز، پیکیرلریمیز، یاشاییش حیللریمیز تاپاووتلی بوُلوپ بیلر. اِمما تۆرکیه بیزینگ اوُرتاق یوردی، اوُرتاق هؤوۆرتگه‌سیدیر. میللی ارادأنینگ گؤرکِزیجیسی بوُلان صاندیق، 85 میلیون آدام حؤکمۆنده هممأمییزینگ نامیسی یالی آماناتدیر. هم صاندیغا گیدیپ سس بریپ، هم ده سسیمیزه ایه بوُلوپ دموکراسیمیز اۆچین جوُغاپکأرچیلیگیمیزی یرینه یتیرریس. 31-نجی مارت دا گچیریلجک سایلاو ایندی دن یوردومیزا و میللتیمیزه حاییرلی بوُلسون"