دی کرو: پ. ک. ک ترور قوراماسینا یاغشی گؤز بیلن باقماغا روغصات بریلمه‌لی دألدیر

بلژیگینگ باش وزیری آلکساندر دی کرو "پ. ک. ک یالی ترور قوراماسی بیلینیأن بیر قوراما یاغشی گؤز بیلن باقماغا و شوُنونگ اۆچین پروپاگاندا ادیلمه‌گینه روغصات بریپ بوُلماز" دیدی.

بلژیگینگ باش وزیری میللی حوُوپسوزلیق گنگه شیندن سوُنگرا بیانات بردی.

سوُنگقی گۆنلرده ترور قوراماسی پ. ک. ک نینگ قوُلداوچیلاری نینگ یوردونگ دۆرلی یرلرینده تۆرکلره ادن هۆجۆمی حاقیندا گۆررۆنگ برن بلژیکلی یوُلباشچی، پ. ک. ک نینگ اوروپادا ترور قوراماسی حؤکمۆنده گؤرۆلیأندیگینی آیتدی و شیله دیدی: "شو سؤزی آچ آچان آیدیاریس: دارتغینلیق و کۆشگۆردیش دورمالی" دیدی.

ترور قوراماسی پ. ک. ک/ ی. پ. گ نینگ 150-أ یاقین قوُلداوچیسی 25-نجی مارت دا بروکسل دأکی اوروپا پارلمانی نینگ اؤنگۆندأکی چپرلی سؤکۆپ پلیسلارا هۆجۆم قوروپدی.

ایلکی بیلن تۆرکیأنینگ بروکسل دأکی ایلچیحاناسی نینگ کؤچه سینه، سوُنگ بوُلسا اوروپا بیله له شیگی نینگ قورامالاری نینگ میدانینا گیتمه ک ایسله یأن بو توُپارا پلیس پأسگل بریپدی.

توُپار لیژ شهرینده تۆرکلرینگ اوُتوریان محله سینه هۆجۆم قووپدی و متجیده داش بللأپدی.

یۆزلرینی اؤرتن و ترور قوراماسینی قوُلداماق اۆچین شیغار برن پ. ک. ک نینگ قوُلداوچیلاری تۆرکلرینگ اؤیلری و دۆکأنلرینه و اولاغلارینا دا ضلل بریپدی.