ییلماز تونچ بلژیک ده پ. ک. ک نینگ تاراپدارلاری نینگ ادن هۆجۆملرینی یازغاردی

تۆرکیأنینگ عادالات وزیری ییلماز تونچ بلژیک ده آیرالیقچی ترور قوراماسی پ. ک. ک نینگ تاراپدارلاری نینگ تۆرک یورتداشلارینا ادن هۆجۆملرینی یازغاردی.

تونچ "حیاناتچیلیقلی ترور قوراماسی پ. ک. ک نینگ تاراپدارلاری نینگ بلژیک دأکی یورتداشلاریمیزا و شوُلارا دگیشلی یرلره ادن هۆجۆملرینی یازغاریارین. هۆجۆمده یارالانان یورتداشلاریمیزینگ چالت یاغدایدا ساغلیغینا قوُوشماغینی آرزوو ادیأرین" دیدی.

تۆرکیأنینگ همیشه تۆرک یورتداشلاری نینگ یانیندا بوُلاندیغینی آیدان تۆرک وزیر، هۆجۆمچیلر بیلن باغلانشیقلی بارلاغی یاقیندان ایزارلاجاقدیقلارینی نیغتادی و شیله دوُوام اتدی:

"ترورچیلیق انسانلیغا قارشی گۆنأدیر و ترورچیلیغینگ دینی، دیلی، اتنیگی و مذهبی بوُلوپ بیلمز. حیاناتچیلیقلی ترورچیلیقلی هۆجۆملر نیره ده بوُلسا دا عمومی پاراحاتچیلیغا، دؤولت دۆزگۆن ترتیبینه و انسانینگ حوُرماتینا اولی تهدیتدیر. بۆتین ترور قورامالارینا، قوُلداوچیلارینا و حیذماتداشلارینا قارشی بۆتین اۆلکه لر توتوم سرگیله مه لیدیر"

اؤنگکی گۆن بلژیگینگ لیمبورگ شهری نینگ قوُلاییندا آیرالیقچی ترور قوراماسی نینگ سمبللاری و توُسلاما یوُلباشچثیلاری نینگ صوراتلارینی الینه آلان بیر توُپار بیلن تۆرک یاشاییجیلارینگ آراسیندا جدللـه‌شیک بوُلوپدی و شوُل واقادا یارالانانلار اوُلوپدی.