عیراق دا حوُوپسوزلیق ماصلاحاتی گچیریلیأر
ماصلاحاتا تۆرکیأنینگ داشاری ایشلر وزیری، میللی قوُرانماق وزیری و میت قوراماسی نینگ باشلیغی قاتناشیار
عیراق دا حوُوپسوزلیق ماصلاحاتی گچیریلیأر.
ماصلاحاتا تۆرکیأنینگ داشاری ایشلر وزیری هاکان فیدان، میللی قوُرانماق وزیری یاشار گۆلر و میللی حابار آلما تشکیلاتی نینگ (میت) باشلیغی ابراهیم قالین قاتناشیار.
بغدات شهرینده گچیریلیأن ماصلاحاتدا ترورچیلیق بیلن گؤرهش، حوُوپسوزلیق و حاربی حیذماتداشلیق گۆن ترتیبینه گتیریلیأر.
موندان اوُزال بو ماصلاحاتینگ بیرینجیسی دکابر آییندا آنکارادا گچیریلیپدی.
ایکی یوردونگ ترورچیلیق بیلن گؤرهشده اوُرتاق حرکت اتمه گی ماقصات ادیلیأر.
بیر تاراپدان عیراق دا ترور قوراماسی پ. ک. ک نینگ کؤکۆنینگ قورودیلماغی اۆچین ایش آلیپ باریلیار، بیله کی تاراپدان دا تۆرکیه، قالقینیش یوُلی پروژه سی بیلن عیراق بیلن قاتناشیقلارینی یوُقارلاتماق ایسله یأر.
بو پروژه بیلن عیراغینگ پارس آیلاغیندان گؤنی تۆرکیأ کریدور آچیلار.
ماصلاحاتینگ بیله کی گۆن ترتیبی ده انرژی مسئله سی.
تۆرکیه عیراق داقی طبیغی گاز یاتاقلاری نینگ اؤسدۆریلمه گی و حالقارا بازارلارا یتیریلمه گینی ایسله یأر.
عیراق- تۆرکیه آراسینداقی نبیت گچیریجی توربانینگ دا یانگاداندان ایشه باشلاماغی حاقیندا گنگه شیلر.
تۆرکیأنینگ جمهورباشلیغی رجب طیب أردوُغان ینگ آپریل آییندا عیراغا ساپار قورماغینا قاراشیلیار.
دِگیشلی حابارلار
تۆرکیه بیلن فلسطین ینگ آراسیندا ایکی ایلالاشیق قابول ادیلدی
تۆرکیأنینگ بیک میللت مجلیسینده تۆرکیه بیلن فلسطین ینگ آراسیندا قوُل چکیلن ایلالاشیقلار قابول ادیلدی
تۆرکیه ترورچیلیق بیلن گؤرهشه دوُوام ادیأر
11 ولایاتدا ترورچیلار تاراپیندان قوللانیلیان 92 قوُواق و هین یوُق ادیلدی