أردوُغان: اف- 16 اۆچین قوُوی نتیجأ قاراشیاریس

تۆرکیأنینگ جمهورباشلیغی رجب طیب أردوُغان سوئدینگ ناتو قوراماسینا آغضالیغینی قابول ادندیکلرینی یاتلاتدی و ایندی آمریکادان اف- 16 ساواش اوچارلاری نینگ تۆرکیأ بریلمه گی مسئله سینده قوُوی نتیجه لره قاراشیاندیقلارینی آیتدی.

تۆرکیأنینگ جمهورباشلیغی ایستامبول دا ژورنالیستلارینگ سوُراغلارینا جوُغاپ بردی.

سوئدینگ ناتو قوراماسینا گیرمه گی اۆچین تۆرکیأنینگ بیک میللت مجلیسی نینگ قاراری تاصصیقلاندیغینی و اؤزۆنینگ ده سوئد اۆچین بو قارارا قوُل چکندیگینی یاتلادان أردوُغان، آمریکانینگ جمهورباشلیغی بایدن ینگ ده تۆرکیأنی اف- 16 اوچارلاری بیلن اۆپجۆن اتمه ک اۆچین اؤز مجلیسینه گره‌کلی گؤنۆکدیرمه برندیگینی آیتدی.

بو أدیملرینگ اف- 16 اوچارلارینگ تۆرکیأ بریلمه گی بیلن نتیجه لنمه گینی اومیت ادن أردوُغان بو اتابی تۆرکیأنینگ داشاری ایشلر وزیری هاکان فیدان ینگ یاقیندان ایزارلایاندیغینی بیلدیردی.

أردوُغان "آمریکادان گلجک نتیجه، بیزلر اۆچین اف- 16 لارینگ تۆرکیأ بریلمه گی اتابینی، تعمیر و دیکه دیشینی یوُلا قوُیجاقدیر" دیدی.

سوئدینگ ناتو قوراماسینا آغضالیغینی قابول اتمه گینگ گۆن باتارا تۆرکیأنینگ توتومینی گؤرکِزمه گی تایدان دوُغری بوُلاندیغینی آیدان أردوُغان "توتان یرلی یاغدایدا یوُلومیزا دوُوام ادیأریس" دییپ نیغتادی.