تۆرکیه ده نبیت اؤنۆملری نینگ آلووی یوُقارلادی

تۆرکیه شو ییلینگ اکتبر آییندا 2 میلیون 943 مۆنگ 11 تن چیغ نبیت ساتین آلدی.

چیغ نبیت آلووی اؤتن ییلینگ اکتبر آیینا گؤرأ 2.04 گؤتریم یوُقارلادی.

گازوئیل آلووی دا 7.37 گؤتریم یوُقارلادی  925 مۆنگ 871 تن بوُلدی.

تۆرکیه روسیادان 2 میلیون 118 مۆنگ 937 تن، عیراق دان 865 مۆنگ 903 تن و قازاغیستان دان 553 مۆنگ 687 تن نبیت و نبیت اؤنۆملرینی ساتین آلدی.

تۆرکیه اکتبر آییندا داشاری یورتلارا 480 مۆنگ 280 تن اوچار یانغیجینی ساتدی.

بو یانغیچ ساتووی اؤتن ییلا گؤرأ 14.1 گؤتریم یوُقارلادی.

تۆرکیأنینگ بنزین داشاساتووی دا 12.1 گؤتریم یوُقارلاپ اکتبر آییندا 162 مۆنگ 555 تن بوُلدی.