شولتس: یونان بیلن تۆرکیأنینگ قوُوی قاتناشیقلارینی قوُلدایاریس

آلمانیانینگ باش وزیری اولاف شولتس یونان بیلن تۆرکیأنینگ قوُوی قوُنگشوچیلیق اساسینداقی قاتناشیقلارینا بگنچ بیلدیرجکدیکلرینی آیتدی.

شولتس بیلن یونان ینگ باش وزیری کیریاکوس میچوتاکیس برلین ده دوشوشیق گچیردی.

اولاف شولتس دوشوشیقدان سوُنگرا مطبوغات گنگه شینده تۆرکیه بیلن یونان ینگ ناتو آغضالاری و یونان ینگ اوروپا بیله له شیگه آغضا بوُلاندیغینا اۆنس چکیپ سوُنگقی ییللاردا ایکی یوردونگ قاتناشیقلارینا کؤمِک برندیکلرینی آیتدی.

"یونان بیلن تۆرکیأنینگ قوُوی قوُنگشوچیلیق اساسینداقی قاتناشیقلارینا بگنچ بیلدیرریس" دیه ن شولتس،

"نتیجه ده ایکی دؤولت مسئله لرینی اؤز آرالاریندا چؤزگۆده قوُوشورمالی. یونان ینگ تأزه حؤکۆمتی نینگ قورولماغیندان بأری بوُلان قوُوی دوشوشیقلارا اولی قیزیقلانیارین. یونان بیلن تۆرک حؤکۆمتلری نینگ آراسیندا یاقین گلجکده گچیریلمه گی ماقصات ادیلیأن دوشوشیقلارا اومیت بیلن قارایاریس" دیدی.

شولتس اوروپا بیله له شیگی بیلن تۆرکیأنینگ آراسینداقی بوُسغون ایلالاشیغی نینگ یانگاداندان دوُلی ایشه گیریزیلمه گی بیلن باغلانشیقلی، اوروپا بیله له شیگی نینگ بو مسئله حاقیندا دوشوشیغا دوُوام ادیأندیگینی آیتدی.

آلمانیالی باش وزیر "تۆرکیه اولی موقداردا بوُسغونی قابول اتدی. مونی اونوتمالی دألدیر. تۆرکیه کؤپ سانلی بوُسغونی یوردونا آلدی بیز ده شیله قالماغی اۆچین اوُلارا کؤمِک بریأریس. شیله لیک بیلن اوروپا بیله له شیگینه گؤچۆلمه‌زلیگینی اومیت ادیأریس" دیدی.

یونان ینگ باش وزیری کیریاکوس میچوتاکیس دا یونان حؤکۆمتی نینگ بی قانون بوُسغونلارینگ اؤنگۆنه گچمه ک بیلن باغلانشیقلی تۆرکیه بیلن حیذماتداشلیغی اؤسدۆرمه ک ایسله یأندیگینی و اوروپا بیله له شیگی نینگ بو دارتغینلیغینگ یۆکۆنی سئرتینا آلیان یورتلارا کؤمِگینی یوُقارلاتمالیدیغینی آیتدی.