أردوُغان: ایسرائیل ترورچیلیق دؤولتیدیر
تۆرکیأنینگ یوُلباشچیسی، ایسرائیل ینگ خیالی نینگ دا ارمنیستان یالی قورساغیندا قالجاقدیغینی آیتدی
تۆرکیأنینگ جمهورباشلیغی رجب طیب أردوُغان آمریکانینگ و گۆن باتار یورتلارینگ چأکسیز قوُلداوینی آلان ایسرائیل حؤکۆمتی نینگ ادیأن قیرغینچیلیغینا 40 گۆندن بأری دوُوام ادیأندیگینی آیتدی و "ایسرائیل اؤیلریندن چیقماغا مجبور ادیلن یؤنهکی یاشاییجیلاری یوُلدا بیلگِشلهیین بمبالایار. ایسرائیل بیر ترورچیلیق دؤولتیدیر" دیدی.
أردوُغان عادالات و اؤسۆش حزبی نینگ توُپار ماصلاحاتیندا برن بیاناتیندا ایسرائیل ینگ غزه ده سبأپ بوُلیان پاجیغاسینا اۆنس چکدی.
تۆرکیأنینگ غزه حالقی نینگ یانیندا دوریاندیغینی نیغتان تۆرک یوُلباشچی "ییللاردان بأری ارمنیستان یوردومیزینگ توُپراقلاری بیلن باغلانشیقلی بوُش خیاللار قوردی. قاراباغ ساواشیندا درسینی آلدی و اؤز یرینه اوُتوردی" دیدی.
رجب طیب أردوُغان شیله دوُوام اتدی:
"ایندی ده ایسرائیل ینگ دوُلاندیریجیلاری شوُنگا منگزه ش سؤزلر آیتماغا باشلادی. هیچ قایغی اتمه سینلر، مۆنگ ییلدان بأری بوُلشی یالی شیله خیال ادیأنلر آخیریندا ضلل گؤرِر. قوُنگشیلاریمیزی اۆستۆمیزه کۆشگۆردنلر، پ. ک. ک نی اۆستۆمیزه سالانلار، فتؤنی گیزلین ایچیمیزه سالانلارینگ هؤوسلرینی قورساغیندا قوُیاریس".
تۆرکیأنینگ جمهورباشلیغی، ایسرائیل ینگ باش وزیری بنیامین نتانیاهونینگ دا گیدیجی بوُلاندیغینی آیتدی و "ایچیم راحات بیر یاغدایدا آچ آچان آیدیارین، ایسرائیل بیر ترور دؤولتیدیر" دیدی.