أردوُغان: امپریالیست گۆیچلر تۆرکیأنینگ اؤسۆشی نینگ اؤنگۆنه گچیپ بیلمه‌ز

تۆرکیأنینگ جمهورباشلیغی رجب طیب أردوُغان "شو گۆن تۆرکیه جمهوریتی، غازی نینگ (مصطفی کمال آتاتۆرک ینگ) آرزوو ادن گؤرنۆشینده، بؤلگه سینده و دۆنیأده یکه قالانلارا ایه بوُلان بیر یورتدیر" دیدی.

أردوُغان جمهوریتینگ ایغلان ادیلمه گی نینگ 100-نجی ییلیندا 100-نجی ییل بیاناتینی بردی.

1923-نجی ییلینگ 29-نجی اکتبریندا ایغلان ادیلن جمهوریتینگ بیرینجی عاصرینی تاماملاپ تۆرکیه عاصری آدینی برندیکلرینی 2-نجی عاصرا یلکن آچاندیغینا اۆنس چکن تۆرک یوُلباشچی،

"مۆنگلرچه ییللیق دؤولت تؤره لریمیزینگ تأزه بیر پارچاسی بوُلان جمهوریتیمیز، بو توُپراقلاردا قوران بیرینجی دؤولتیمیز دأل، اینگ سُونگقی دؤولتیمیزدیر" دیدی.

أردوُغان جمهوریتینگ اؤزلری اۆچین هم بویسانچ چشمه سی بوُلاندیغینی هم ده الهام چشمه سی بوُلاندیغینی بیلدیردی و "شو گۆن تۆرکیه جمهوریتی، غازی نینگ (مصطفی کمال آتاتۆرک ینگ) آرزوو ادن گؤرنۆشینده، بؤلگه سینده و دۆنیأده یکه قالانلارا ایه بوُلان بیر یورتدیر" دیدی.

قفقازدان آسیا، تۆرکیستان دان فلسطینه نیرده گؤزی یاش بوُلان و مأتأچ بار بوُلسا کؤمِگینه یتیشن الیندن توتوپ قالدیران تۆرکیأنینگ بوُلاندیغینی یاتلادان أردوُغان،

"تۆرکیه جمهوریتی نینگ مسعود، مرفه و مظفر بوُلماغی نینگ اؤنگۆنه هیچ بیر امپریالیست گۆیچ گچیپ بیلمه‌ز" دیدی.