تۆرکیه: جمهوریت 100 یاشیندا

شو گۆن 29-نجی اکتبر جمهوریت بایرامی.

تۆرکیه جمهوریت ینگ قورلوشیغی نینگ 100-نجی ییلینی قوتلایار.

بۆتین تۆرکیه ده بوُلشی یالی بو بایرام پایتاغت آنکارادا و ایستامبول دا دا قوتلانیار.

تۆرکیأنینگ جمهورباشلیغی رجب طیب أردوُغان دؤولت ایشگأرلری بیلن تۆرکیه جمهوریتی نینگ اساسلاندیریجیسی اولی یوُلباشچی مصطفی کمال آتاتۆک ینگ قوُنامچیلیغی آنیت قابیر-ی زیارات اتدی.

تۆرکیأنینگ بیرینجی مجلیسینده ده دابارا گچیریلدی.

بو دابارادا تۆرکیأنینگ بیک میللت مجلیسی نینگ باشلیغی نعمان قورتولموش چیقیش اتدی.

تۆرکیأنینگ بیک میللت مجلیسی نینگ اؤنگۆندن اولوس میدانینا چنلی "جمهورتیمیزینگ 100-نجی ییلی" یؤریشی قورولدی.

سولوتۆرک آنیت قابیرینگ اۆستۆنده اوچدی.

ساغات 17-ده ده ایستامبول بوُغازیندان تۆرکیأنینگ دنگیز گۆیچلری نینگ ساواش گأمیلری گچر.

بو گچیت داباراسینا 100 گأمی قاتناشیار.

گأمیلره تۆرک ییلدیزلاری و سولو تۆرک باشدا بوُلماق بیلن 20-دن کؤپ ساواش اوچاری یوُلداشلیق ادر.

تۆرکیأنینگ جمهورباشلیغی رجب طیب أردوُغان دا شو گۆن ساغات 19.23-ده 100-نجی ییل میناسیبتلی بیانات ب.

15-نجی ایول شهیتلر کؤپرۆسینده ده 2023 دروُن بیلن دابارا گچیرلر.

ایستامبول بوُغازیندا ایشیق شوُوی گچیرلر.

شو گۆن یوردونگ دؤرت یانیندا کؤپ سانلی کنسرت ده گچیریلیأر.