أردوُغان: تۆرکیأنی دۆنیأنینگ اینگ اولی 10 یوردوندان بیرینه اؤوۆرریس

تۆرکیأنینگ جمهورباشلیغی رجب طیب أردوُغان 30-نجی آگوست ینگیش بایرامینا یؤریته کنسرت ده بیانات بردی.

أردوُغان "بیز تۆرکیأنی دۆنیأنینگ اینگ اولی، اینگ گۆیچلی و اینگ بای 10 دؤولتیندن بیری یاغدایینا گتیرریس دیه‌نیمیزده بو اساسی قورلوشیق، بو درجه و بو مۆمکینچیلیکلریمیزه اینانیاریس" دیدی.

آگوست آیی نینگ تۆرکیه تاریحیندا ینگیشلر آیی حؤکمۆنده بوُلاندیغینی یاتلادان أردوُغان "ملازگرددن بلگرادا، موحاچ دان قبرسا چنلی کؤپ سانلی اۆستۆنلیک بیلن دوُلی بوُلان تاریحیمیزا آدینی آلتین حارپلار بیلن یازدیران بو آیینگ آحیرینا گلدیک" دیدی.

تۆرک یوُلباشچی "بیز دوُلانشیغیمیزینگ گؤزیتیمی، دؤولتیمیزینگ گۆیجی، میللتیمیزینگ عرفان و پاراساتینا اینام ادیپ تۆرکیأنینگ عاصرینی قورماق یوُلوندا اؤنگه باریان بیر یورت. گۆن دوُغاردان گۆن باتارا، دمیرقازیق دان گۆن اوُرتا دۆنیأنینگ نیره سینه گیتسنگیز هممه لر تۆرکیأنینگ اؤسۆشی بارادا گۆررۆنگ بریأر. دوُستلاریمیز بو اؤسۆشی اومیت و بگنچ بیلن آیدیار، دوشمانلاریمیز بوُلسا بو حاقیقاتی قاهار و غاضاپ بیلن ایزارلایار" دیدی.

بو یؤریته کنسرت ده تۆرکیه جمهوریتی نینگ 100-نجی ییلینا یؤریته طایارلانان مارش دا اوُقالدی.