ادی راما: أردوُغان بیلن استراتژیک شأریکلیک ایلالاشیغیمیز بار

آلبانیانینگ باش وزیری ادی راما یونان ینگ حابار بریش سریشده لرینه بیانات بردی.

"تۆرکیأنینگ جمهورباشلیغی أردوُغان بیلن استراتژیک شأریکلیک ایلالاشیغیمیز بار اِمما أردوُغان بیلن یونان ینگ باش وزیری کیریاکوس میچوتاکیس آراسیندا یا-دا یونان بیلن تۆرکیه آراسیندا بیرینی سایلاماغا مجبوردیرس دییپ بیر زات یوُق. بیز ایکیسینی ده قوُوی گؤریأریس. سیزینگ بیری بیرینگیزی سؤیمه‌گینگیز، بیزه گؤرأ ایکینگیزی ده سؤیمه‌گیمیزه مسئله تشکیل اتمه لی دألدیر" دیه ن ادی راما، آلبانیا بیلن یونان ینگ آراسینداقی دنگیز مسئله سینه ده اۆنس چکدی.

راما "أردوُغان هیچ هاچان بو مسئله حاقیندا بیزه سوُراغ سوُرامادی. اوُلارینگ تاغاللالاریندا آلبانیا أتیأچلری یوُقدیر" دیدی و "مونی قوُوی بیلیأندیگینگیزه اینانیارین: تۆرکیأنینگ جمهورباشلیغی أردوُغان باش وزیر بوُلان واغتیندا دا قبرس مسئله سینده ایلالاشیپ بیلجکدیگینی گؤرکِزدی. یادینگیزدا بوُلسا آنکاراداقی اؤز یاغدایی اۆچین شوُل واغت حوُوپلی بیر واغتدی اِمما اوُل ینه ده چکینمه‌دی" دیدی.

آلبانیانینگ باش وزیری "یونان ینگ اولی ایقدیصادی دارتغینلیغی دؤورۆنده أردوُغان بو یاغدایدان پیدالانیپ یاغدایینگیزی شوُندان دا اربِت ادیپ بیلردی، اِمما اتمه دی. یونانی یر بیلن بیر اتجک بوُلسادی و شیله بیر نیتده بوُلسادی، سیزینگ شول یاغدایینگیزدان پیدالاناری. بوُسغونلارینگ مسئله سینده ده یاغدایی قینالدیپ بیلردی اِمما مونی اتمه دی. چئندان دا من أردوُغان ینگ هیچ هاچان یونانا و یونان حالقینا اربِت دویغولاری نینگ بوُلاندیغینی گؤرمه دیم" دیدی.