تۆرکیه: لاچین کریدوری باراسیندا آذربایجانا ادیلن تانقیتلار یرلیکسیز

تۆرکیأنینگ داشاری ایشلر وزیرلیگی، آذربایجانا لاچین کریدوری حاقیندا ادیلیأن تانقیتلارینگ یرلیکسیز بوُلاندیغینی بیلدیردی.

تۆرک وزیرلیک، ارمنیستان ینگ پروپاگاندا و کۆشگۆردیجی حرکتلردن ال چکیپ قاراباغ داقی ارمنی یاشاییجیلارینگ أتیأچلرینی آلترناتیو یوُللاردان اۆپجۆن اتمه گینی ایسله دی.

تۆرکیأنینگ داشاری ایشلر وزیرلیگی تۆرکیأنینگ لاچین کریدوری باراسیندا اوزاق واغتدان بأری دوُوام ادیأن گۆررۆنگلری یاقیندان ایزارلایاندیغینی یاتلاتدی و

"تۆرکیه بو مسئله باراسیندا آذربایجان ینگ یرلیکلی و مشروع قایغیلارینی دۆشۆنیأر. قینانساغام اوزاق واغتدان بأری آذربایجان ینگ بیلدیریأن قایغیلارینا اۆنس بریلمه یأر. آذربایجان اؤز ایغتیار و حقوغینا لاییقلیقدا اتمه لی ایشلری ادندیر" دییلدی.

تۆرکیه ارمنیستان دان، آذربایجان ینگ توُپراق بیتولیگینی رسمی تایدان تاناماغینی ایسله دی و قاراباغ داقی ارمنی یاشاییجیلارینگ گره‌ک زاتلاری نینگ آغدام- خان‌کندی و بیله کی آلترناتیو یوُللاردان اۆپجۆن ادیلمه گینی ایسله دی.