أردوُغان: تۆرکیه حالقارا میدانلاردا اؤزۆندن سؤز اتدیریأر

تۆرکیأنینگ جمهورباشلیغی رجب طیب أردوُغان تۆرکیأنینگ اوُیون اوُینایان یورت دأل، ایسه‌م "اوُیونی قوریان یورت" یاغدایینا گلِندیگینی آیتدی.

تۆرک یوُلباشچی تۆرکیأنینگ ایلچیلرینه بیانات بردی.

تۆرکیأنینگ حالقارا قاتناشیقلاردا اؤزۆندن سؤز اتدیریأندیگینی آیدان رجب طیب أردوُغان "کؤپ سانلی مسئله لرده تۆرکیأنینگ پیکری سوُرالیار، تۆرکیأنینگ قارشیلیغی ایزارلانیار، تۆرکیه اوُیون قوریان بیر اۆلکه یاغدایینا گلِندیر" دیدی.

14-نجی ایلچیلر کنفرانسینا قاتناشان تۆرکیأنینگ جمهورباشلیغی، قارادنگیز غاللا کریدوری نینگ دوروزیلماغیندان سوُنگرا اوکراینا و روسیا بیلن گپله شیگه دوُوام ادیأندیکلرینی بیلدیردی و بو مسئله بیلن باغلانشیقلی "پوتین بیلن اوُرتاق بیر پیکیره گلجکدیگیمیزه اینانیارین" دیدی.

تۆرکیأنینگ یوُلباشچیسی جمهوریتینگ 100-نجی یییلیندا تأزه عاصیرلارا یِلکن آچجاقدیقلارینی نیغتادی و "گچمیشیمیزدن گۆیچ آلیپ گلجگیمیزی قورماق اۆچین تاغللا ادیأریس. داشاری سیاساتیمیزینگ گؤزیتیمینی گلوبال گؤرنۆشده گینگِه‌لتدیک. تأزه دؤورۆده تأزه بیر ایترگی گۆیچ بیلن یوُلومیزا دوُوام ادیأریس. تۆرکیه واقالاری تریبون‌دان توُماشا ادیپ بیلمه‌ز. هم میدانلاردا هم گپله‌شیکده ایشجنگ یاغدایدا بوُلمالیدیرس. بو مسئلأ مجبوردیرس. صابیرلی و پایحاسلی بوُلوپ ادیلن باسیشلارا بوُیون اگمه‌ریس" دیدی.

أردوُغان نأچه یورت تاراپیندان ادیلیأن اسلاما دوشمانچیلیق مسئله سینه ده اۆنس چکدی و تۆرکیأنینگ اینگ گۆیچلی یاغدایدا بو مسئله بیلن باغلانشیقلی ایش آلیپ باراندیغینی یاتلاتدی.

أردوُغان "اسلاما دوشمانچیلیق بیلن گؤره‌ش اتمه گی، دوُست و دوُغان یورتلار بیلن بیله لیکده آلیپ باریاریس" دیدی.