أردوُغان عاراپ یورتلاریندا ساپاردا بوُلیار

تۆرکیأنینگ جمهورباشلیغی رجب طیب أردوُغان پارس آیلاغینداقی عاراپ یورتلارینا اۆچ گۆنلۆک ساپار قوریار.

تۆرک یوُلباشچی عربیستان، قطر و امارات دا شوُل یورتلارینگ یوُلباشچیلاری بیلن دوشوشار.

دوشوشیقدا ایکی یوردونگ آراقاتناشیغی و بؤلگه آرا و حالقارا مسئله لر حاقیندا گِنگِه‌شیلر.

تۆرکیأنینگ جمهورباشلیغی جده شهرینده عربیستان ینگ پاتشاسی سلمان بن عبدالعزیز و اوُنونگ اوُرونباساری محمد بن سلمان بیلن دوشوشار.

أردوُغان سه شنبه گۆنی ده قطرده شیخ تمیم بن حمد آل ثانی بیلن دوشوشار.

تۆرک یوُلباشچی چهارشنبه گۆنی بیرلشن عاراپ امیرلیکلرینده ده امارات ینگ دؤولت یوُلباشچیسی محمد بن زاید آل نهیان بیلن دوشوشار.

تۆرکیأنینگ جمهورباشلیغی عاراپ یورتلاریندان سوُنگرا دمیرقازیق قبرس تۆرک جمهوریتی نینگ پایتاغتی لفکوشا ساپار قورار.

أردوُغان قبرس پاراحاتچیلیق حرکتی نینگ ییللیغیندا لفکوشانینگ تأزه ارجان قوُنالغاسی نینگ آچیلیش داباراسینا قاتناشار.