أردوُغان ناتونینگ ماصلاحاتیندا کؤپ سانلی یوُلباشچی بیلن دوشوشدی
أردوُغان ینگ شو گۆن ده یونان ینگ باش وزیری بیلن دوشوشماغینا قاراشیلیار
تۆرکیأنینگ جمهورباشلیغی رجب طیب أردوُغان لیتوانیادا گچیریلن ناتونینگ یوُلباشچیلار ماصلاحاتیندا کؤپ سانلی یوُلباشچی بیلن دوشوشدی.
ناتونینگ ماصلاحاتی نینگ بیرینجی اوُتورشیغیندا بیانات برن تۆرک یوُلباشچی، یوُلباشچیلار بیلن بیله لیکده رسمی آغشام ناهارینا دا قاتناشدی.
تۆرکیأنینگ جمهورباشلیغی ناتونینگ ایکینجی اوُتورشیغیندا ناتو- اوکراینا کمیسیونی نینگ دؤوت و حؤکۆمت یوُلباشچیلاری نینگ گنگه شینه ده قاتناشدی.
أردوُغان اؤزآرا دوشوشیقلار دا گچیردی.
فرانسیانینگ جمهورباشلیغی امانوئل مکرون، انگلستان ینگ باش وزیری ریشی سوناک، کانادانینگ باش وزیری جاستین ترودو و ایتالیانینگ باش وزیری جورجا ملونی بیلن دوشوشان أردوُغان اؤزآرا قاتناشیقلار، ناتو قوراماسی و بؤلگه آرا و حالقارا مسئله لر حاقیندا گنگه شدی.
تۆرکیأنینگ جمهورباشلیغی، آلمانیانینگ باش وزیری اولاف شولتس و آمریکانینگ جمهورباشلیغی بایدن بیلن ده اؤزآرا دوشوشیق گچیردی.
أردوُغان ینگ شو گۆن ده یونان ینگ باش وزیری بیلن دوشوشماغینا قاراشیلیار.
تۆرک یوُلباشچی نینگ ناتونینگ ماصلاحاتی قوتاراندان سوُنگرا مطبوغات کنفرانسینا قاتناشماغینا دا قاراشیلیار.