أردوُغان ناتو ماصلاحاتیندان سوُنگرا بیانات بردی

تۆرکیأنینگ جمهورباشلیغی رجب طیب أردوُغان "ترورچیلیغا قارشی اِمماسیز و رحمسیز گؤره ش بیزینگ قیزیل چیزیغیمیزدیر. ایندی أهلی یارانلاریمیزدان بو مسئله ده توتان یرلی و آیدینگ چمه له شمه گینه قاراشیاریس" دییپ بیلدیردی.

تۆرکیأنینگ جمهورباشلیغی رجب طیب أردوُغان لیتوانیانینگ پایتاغتی ویلینیوس دا گچیریلن ناتو یورتلاری نینگ دؤولت و حؤکۆمت باش‌توتانلاری نینگ ماصلاحاتیندان سوُنگرا مطبوغات ییغناغینی گچیردی.

أردوُغان ادن چیقیشیندا "کأبیر حیذماتداش یوردونگ پ. ی. د/ ی. پ. گ بیلن یوُلا قوُیان یوُیولان قاتناشیقلای بیله له شیگینگ و جبیسلیگینه بۆتِولیگینه زیان یتیریأر. اوُنونگ اساسلی و لجستیک هیچ حیلی دۆشۆندیریشی یوُق" دیدی.

تۆرک یوُلباشچی "ترورچیلیغا قارشی اِمماسیز و رحمسیز گؤره ش بیزینگ قیزیل چیزیغیمیزدیر. ایندی أهلی یارانلاریمیزدان بو مسئله ده توتان یرلی و آیدینگ چمه له شمه گینه قاراشیاریس" دییپ بیلدیردی.

غاللا گِچِلگه سی بیلن باغلانشیقلی رجب طیب أردوُغان "اوکراینانینگ دؤولت یوُلباشچیسی حوُرماتلی ولودیمیر زلنسکی باشلانغیجینگ تاراپداری، روسیانینگ دؤولت یوُلباشچیسی حوُرماتلی ولادیمیر پوتین ینگ بوُلسا کأبیر تِکلیپلری بوُلدی. شوُل تکلیپلری گؤز اؤنگۆنده توتوپ، چؤزگۆده گؤنۆکدیریلن ایش آلیپ باریاریس" دیدی.

تۆرکیأنینگ جمهوباشلیغی "روسیا- اوکراینا تاراپلاری بیزینگ آراچیلیغیمیزی تکلیپ اتسه لر یادا قابول اتسه لر اولی حوُشاللیق بیلن اوُلار یالی آراچیلیغی قابول ادریس" دییپ بِلله دی.

أردوُغان "هر ایکی قوُنگشیمیز بیلن بوُلان یاقیندان دیالوگیمیزی باشلانغیجینگ اوزادیلماغی و دارتغینلیغینگ چؤزگۆده یتیریلمه گی اۆچین اولانماغی دوُوام ادریس. همیشه آیدیپ گچیشیمیز یالی اورشدا ینگیش قازانان، پاراحاتچیلیقدا بوُلسا ینگیلن تاراپ یوُقدیر. بؤلگأمیزده پاراحاتچیلیق اومیتلاری نینگ یانگلاداندان پئنتئکلاماغینی ایسله یأریس" دیدی.

پرزیدنت أردوُغان تۆرکیأنینگ ناتونینگ آچیق قاپیلار سیاساتینی همیشه قوُلدان بیر یورت بوُلاندیغینی آیدیپ "حأضیرکی واغتا چنلی هیچ بیر یوردونگ بیله له شیگه گیرمه گینه یؤنه کی سبأپلر بیلن قارشی بوُلمادیق" دییپ آیتدی.

أردوُغان سوئدینگ ناتو قوراماسی نینگ دۆزۆمینه گیرمه گینی تاصصیقلاجاق قورامانینگ میللی ایغتیارینگ وکیلی تۆرکیأنینگ بیک میللت مجلیسیدیگینی آیتدی.

تۆرک یوُلباشچی سوئدده قرآن ینگ یاقیلماغی بیلن باغلانشیقلی بوُلسا "آداملارینگ موقاددسلیکلرینه هۆجۆم اتمه ک پیکیر ارکینلیگی دألدیر، واغشیچیلیقدیر، سوُواتسیزلیقدیر، ترورچیلیقلی حرکتینگ بیر گؤرنۆشیدیر" دیدی.

بیرلشن میللتلر قوراماسی نینگ آدام حقوقلاری گنگه شینده قرآن یاقماق حرکتینی یازغارماق قانون تاسلاماسی باراسیندا بوُلسا أردوُغان "قانون تاسلاماسینی قابول اتمه یأن یورتلار آزاتلیق و آدام حقوقلاری دۆشۆنجه سینی گؤزدن گچیرمه لیدیر" دیدی.