أردوُغان: تۆرکیأنینگ اوروپا بیله‌له‌شیگینه اؤنگۆنی آچینگ

تۆرکیأنینگ جمهورباشلیغی رجب طیب أردوُغان سوئدینگ ناتو قوراماسینا آغضالیغی باراسیندا "ایلکی بیلن گلینگ تۆرکیأنینگ اوروپا بیله له شیگینده اؤنگۆنی آچینگ. اوُندان سوُنگرا بیز ده فنلاند بیلن باغلانشیقلی نأحیللی اوُلارینگ اؤنگۆنی آچان بوُلساق، سوئدینگ ده اؤنگۆنی آچاریس" دیدی.

تۆرک یوُلباشچی لیتوانیا گیتمه گیندن اوُزال ایستامبول داقی آتاتۆرک قوُنالغاسیندا مطبوغات گنگه شینی گچیردی.

تۆرکیأنینگ جمهورباشلیغی "شو واغت ناتو قوراماسینا آغضا یورتلارینگ هممه سینه قوُلایی اوروپا بیله له شیگینه آغضادیر. تۆرکیأنینگ اوروپا بیله له شیگی نینگ قاپیسیندا 50 ییلدان بأری قاراشدیران بو یورتلارا سؤز آیدیارین. مونی ویلینیوس دا دا آیدارین. ایلکی بیلن گلینگ تۆرکیأنینگ اوروپا بیله له شیگینده اؤنگۆنی آچینگ. اوُندان سوُنگرا بیز ده فنلاند بیلن باغلانشیقلی نأحیللی اوُلارینگ اؤنگۆنی آچان بوُلساق، سوئدینگ ده اؤنگۆنی آچاریس" دیدی.

أردوُغان مسئله بیلن باغلانشیقلی آمریکانینگ یوُلباشچیسی جو بایدن بیلن ده دوشوشاندیغینی آیتدی.