أردوُغان تلفن آرقالی هلندینگ باش وزیری بیلن دوشوشیق گچیردی

تۆرکیأنینگ جمهورباشلیغی رجب طیب أردوُغان هلندینگ باش وزیی مارک روته بیلن تلفن آرقالی دوشوشیق گچیردی.

دوشوشیقدا اؤزآرا قاتناشیقلار، سوئدینگ ناتو قوراماسینا آغضالیغی، اوروپادا قرآن کریم-ه ادیلن حوُرماتسیزلیق یالی مسئله لر حاقیندا گنگه شیلدی.

تۆرک یوُلباشچی بو دوشوشیقدا، 2024-نجی ییلدا تۆرکیه بیلن هلندیگ دوُستلوق ایلالاشیغی نینگ 100-نجی ییلی بوُلجاقدیغینی یاتلاتدی و شوُل ییلینگ قاتناشیقلارینگ اؤسمأگه دوُوام اتجک ییلی بوُلجاقدیغینا اینانجینی بیلدیردی.

أردوُغان سوئد باراسیندا، شوُل یوردونگ ترورچیلیق بیلن گؤره ش حاقیندا قوُوی ایشلر آلیپ باراندیغینی اِمما  سوئدده ترور قوراماسی پ. ک. ک/ پ. ی. د/ ی. پ. گ نینگ تاراپدارلاری نینگ ارکین یاغدایدا ترورچیلیغا بویسانچ بیلدیرمأگه دوُوام ادیأندیگینی آیتدی.

تۆرکیأنینگ جمهورباشلیغی سوئدده قرآنا ادیلن حوُرماتسیزلیغینگ سؤز آزاتلیغی بیلن هیچ حیللی باغلانشیغی نینگ بوُلماندیغینی نیغتادی و شیله بیر حوُرماتسیزلیغینگ قابول ادیلیپ بیلینمه‌جکدیگینی سؤزلرینه قوُشدی.