تۆرکیأنینگ جمهورباشلیغی موغاللیملارینگ أهمیتینه اۆنس چکدی

تۆرکیأنینگ جمهورباشلیغی رجب طیب أردوُغان ایستامبول داقی خلیج کنگره مرکزینده "45000 موغاللیمینگ ایشه آلینماغی" بیلن باغلانشیقلی گچیریلن دابارا قاتناشدی.

أردوُغان دابارادا ادن چیقیشیندا "سیزلرینگ قوُلداوی بیلن اؤنگۆمیزدأکی دؤوۆر تۆرکیأنینگ عاصری بوُلجاقدیر. تۆرکیأنینگ عاصرینی تعلیم تربیه و ساپاق بریش عاصرینا اؤوۆرریس" دیدی.

تۆرک یوُلباشچی، یوردونگ جمهوریتی نینگ تاریحیندا بیر گِزه ک ده اینگ کؤپ موغاللیمینگ ایشه آلیناندیغینا اۆنس چکدی.

رجب طیب أردوُغان 6-نجی فورال دا بوُلان قاهرامان ماراش داقی یر تیتره مه سی حاقیندا دا "گچن 3 آیدا یر تیتره مه سیندن ضلل گؤرِن یرلرده اولی ایشلر آلیپ باردیق. حارابالیغی دوُلولیغینا ییغنادیق. 837 مۆنگ چادیر و 100 مۆنگ کانتینرینگ قورلوشیق ایشی قوتاردی. 142 مۆنگ اؤی پروژه سینی باشلادیق و 59 مۆنگ اؤیۆنگ دۆیبۆنی توتدیق. 650 مۆنگ اؤی سالیپ ایه لرینه برریس. شولاردان 319 مۆنگ سانیسی بیر ییل ایچرسینده سالینار." دیدی.

أردوُغان "شو گۆن ایشه آلینان موغاللیملارینگ یاریسی یر تیتره مه سی بوُلان ولایاتلاردا ایش آلیپ بارار" دیدی.

تۆرکیأنینگ جمهورباشلیغی ترورچیلیق بیلن گؤره ش مسئله سینده ده "سرحتلریمیزینگ ایچرسینده ترورچیلیغی قوریتماغا قوُلایلادیق، عیراق و سوریأنینگ دمیرقازیغیندا دا ترورچیلیق مسئله سینی کؤکۆندن یوُق ادریس" دیدی.