آقار: اۆچ گۆنده 13 ترورچی تأثیرسیز یاغدایا گتیریلدی

تۆرکیأنینگ میللی قوُرانماق وزیری خلوصی آقار عیراق و سوریه نینگ دمیرقازیغیندا اۆچ گۆنده 13 ترورچی نینگ تأثیرسیز یاغدایا گتیرلندیگینی آیتدی.

کایسری ده بیانات برن آقار، تۆرک قشونی نینگ تۆرکیأنینگ حوُوپسوزلیغی اۆچین ایشلرینه دوُوام ادیأندیگینی آیتدی.

عیراغینگ دمیرقازیغیندا ترورچیلارینگ هینلری نینگ بیر بیر اۆستۆنلرینه ییقیلیاندیغیی آیدان خلوصی آقار، سوریأنینگ دمیرقازیغیندا قورولماق ایسله نیأن ترورچیلیق کریدوری نینگ دا یوُق ادیلندیگینی و ترورچیلارینگ قازان چوقورلارینا گؤمۆلندیگینی آیتدی.

تۆرک وزیر "ترورچیلیق قوتارمادی. ینگیش قازانیلدی دییپ هممه زاتدان ال چکیلمه لی دألدیر. بو گؤره ش توتان یرلی یاغدایدا دوُوام ادیأر. دۆین گیجه کی حرکتده ده 5 ترورچی تأثیرسیز یاغدایا گتیریلدی. شیله لیک بیلن دمیرقازیق عیراق و سوریه ده سوُنگقی اۆچ گۆنده 13 ترورچی تأثیرسیز یاغدایا گتیریلدی" دیدی.