أردوُغان: جودی و گاباردا نبیت تاپیلدی

تۆرکیأنینگ جمهورباشلیغی رجب طیب أردوُغان تۆرکیه ده تأزه نبیت یاتاغی نینگ تاپیلاندیغینی بوشلوق بردی.

أردوُغان "جودی و گاباردا گۆنده 100 مۆنگ چلک نبیت اؤندۆریلجک یر تاپدیق" دیدی.

قونیه ده بیانات برن أردوُغان دۆنیأده قوری یرده تاپیلان اینگ اولی 10 یردن بیری بوُلاندیغینی آیتدی و اؤتن ییل بو یری تاپاندیقلارینی بیلدیردی.

تۆرک یوُلباشچی "یوردومیز 5-6 ییل اوُزال گۆنده 40 مۆنگ چلگه قوُلای نبیت اؤندۆریأردی. شوُل موقدار ایندی 80 مۆنگ چلگه یتدی. ایندی سیزه تأزه بوشلوق برمه ک ایسله یأرین. جیزره شهری نینگ 20 کیلومتر داشیندا بیر نبیت یاتاغینی تاپدیق و حیلی اؤرأن قوُوی نبیته ایه دیر" دیدی.

أردوُغان بو یرده 2 مۆنگ 600 متر چونگلوقدا نبیت تاپاندیقلارینی و 100 قویی بیلن گۆنده 100 مۆنگ چلک نبیت چیقاریپ بیلجکدیکلرینی سؤزلرینه قوُشدی.

أردوُغان بو تاپیلان نبیتینگ تۆرکیأنینگ گۆنده 10-دا بیر نبیت أتیأجینی اۆپجۆن ادیأندیگینی آیتدی.