تۆرکلر سودان دان چیقیار
چاقنیشیقلار سبأپلی تۆرک یورتداشلاری دا سودان دان چیقماغا باشلادی
سودان دا قشونینگ ایکی بؤله گی نینگ آراسیندا 15-نجی آپریل دان بأری چاقنیشیق دوُوام ادیأر.
چاقنیشیقلار سبأپلی تۆرک یورتداشلاری دا سودان دان چیقماغا باشلادی.
اتیوپی نینگ پایتاغتی آدیس آبابادان اوچان تۆرک هوُوا یوُللاری نینگ اوچاری ارتیر بیلن ایستامبول قوُنالغاسینا گلدی و 301 تۆرک یورتداشینی تۆرکیأ گتیردی.
سودان دان موندان اوُزال دا 189 تۆرک اوچار بیلن ایستامبولا گتیریلیپدی.
سودان دان چیقان تۆرکلردن ناجی آق گۆن سودان دان چیقاریلماغی اۆچین تۆرکیأنینگ دؤولت جوُغاپکأرلرینه مینتدارلیق بیلدیردی و "یاغدایلار آغیردی. بۆتین یورتلار بیر واغتدا یورتداشلارینی چیقارماق ایسله یأردی. یوردومیزدان الله راضی بوُلسون الیندن گلن زادی اتدی. تۆرکیأ گلن بیرینجی توُپار بیز. اؤرأن بگندیک. تۆرکیه، سودان و اتیوپی دأکی تۆرک ایلچیحانالارا ساغ بوُلسون آیدیاریس" دیدی.
سودان دا چاقنیشیقلارینگ دوُوام ادیأندیگینی آیدان آق گۆن "کؤچه لرده ساواش دوُوام ادیأر. الله سودانلیلارا کؤمِک اتسین. سودانلی دوُغانلاریمیز قوُوی آداملار. سودان اوُوادان بیر یورت. ان شاءالله دوُغرالار و بیز ده ایزیمیزا قایداریس" دیدی.
دِگیشلی حابارلار
یِدی ترورچی تأثیرسیز یاغدایا گتیریلدی
سوریه و عیراغینگ دمیرقازیغیندا 7 ترورچی تأثیرسیز یاغدایا گتیریلدی