آنکارا- سیواس یۆورۆک ترنی شو گۆن آچیلیار

آنکارا بیلن سیواس ینگ آراسیندا چالت قاتناوی یوُلا قوُیجاق یۆورۆک ترن شو گۆن آچیلیار.

بو دمیریوُلونگ آچیلماغی بیلن تۆرکیه ده دمیریوُلونگ اوزینلیغی 13 مۆنگ 896 کیلومتره یتیأر.

آنکارا بیلن سیواس ینگ 603 کیلومتر بوُلان یولونی 405 کیلومتره یتیرجک بو دمیریوُلدا 8 دورالغا بار.

تأزه آچیلجاق دمیریوُل بیلن 1 میلیون 400 مۆنگ آدام یوُلاغچیلیق ادیپ بیلر.

بو دمیر یوُل ادیرنه بیلن قارص آراسینداقی تۆرکیأنینگ گۆن دوُغار- گۆن باتار دمیریوُل کریدوری نینگ أهمیتلی بیر بؤله‌گی بوُلار.

بو پروژه بیلن قیریق قالا، یوُزگات و سیواس ولایاتلاری دا یۆورۆک ترن بیلن تانیشیار.

12 ساغاتلیق قطار یوُلاغچیلیغی بو پروژه بیلن 2 ساغادا یتیرلر.

تۆرکیأنینگ قاتناو وزیری عادل قارااسماعیل اوُغلی بو دمیریوُلونگ تۆرکیه ده اؤندۆریلن یرلی ریل بیلن اۆپجۆن ادیلندیگینی آیتدی و 1676 کیلومتر ریل دۆشأندیکلرینی بیلدیردی.

سیواس- آنکارا یۆورۆک قطار پروژه سینده 66 کیلومتردن عیبارات 49 تونل و 27 کیلومتر اوزینلیغینداقی 49 کؤپری بار.

بو دمیریولونگ اینگ اوزین تونلی 5 مۆنگ 125 متر بیلن آق داغ معدنی بؤلگه سینده.

بو دمیریولوگ اینگ اوزین کؤپریسی بوُلسا 2 مۆنگ 220 متر بیلن چریکلی- قیریق قالا آراسیندا.

تۆرکیه شو واغت 3 مۆنگ 593 کیلومتر یۆورۆک ترن پروژه سینی آلیپ باریار.

تۆرکیه یۆورۆک ترن پروژه سینی سیواس شهریندن ارزینجان، ارضروم، قارص و باکو شهرینه چنلی یتیرمه ک ایسله یأر.

پروژه نینگ بیله کی آیاغی بوُلسا ماردین، هابور، پارس آیلاغی.

بیله کی تاراپدان آنکارا بیلن ایستامبول ینگ آراسیندا اؤرأن چالت یاغدایدا یوُلاغچیلیق ادن سوپر یۆرۆک ترن پروژه سی ده بیله کی پروژه لردن بیری.

شوُل پروژه تاماملاناندا آنکارانینگ مرکزیندن ایستامبول ینگ قادی کؤی محله سینه 80 داقیقادا یوُلاغچیلیق ادیپ بوُلار.