دۆنیأنینگ بیرینجی اوچارمانسیز اوچار گؤتریجی گأمیسی ایشه باشلایار

ت. ج. گ آنادولو آدینداقی اوچار گؤتریجی گأمی شو گۆن تۆرکیأنینگ قشونی نینگ دنگیز گۆیچلرینه تاپشیریلیار.

بو گأمی دۆنیأنینگ بیرینجی اوچارمانسیز یاراغلی اوچارلاری داشایان گأمی.

2015-نجی ییلدا یاسالماغا باشلانان بو گأمی 2019-نجی ییلدا دنگیز بیلن قوُوشدورویلدی.

ت. ج. گ (تۆرکیه جمهوریتی گأمیسی) آنادُولو یاراغلی اوچارمانسیز اوچار گأمیسی 2022-نجی ییلدا دنگیزده قابول سیناغلارینا باشلادی.

دۆنیأنینگ بیرینجی یاراغلی اوچارمانسیز اوچار گؤتریجی گأمیسی بوُلان ت. ج. گ آنادوُلو اۆچین بایراقدار ت. ب. 3 اوچارمانسیز یاراغلی اوچارلار طایارلانیار.

بو گأمی بایراقدار قیزیل آلما و حرجت اوچارلاری نینگ دا مرکزی بوُلار.

231 متر اوزینلیغی و 32 متر گینگلیگی بوُلان ت. ج. گ آنادولو 94 ساواش اولغامینی ساقلاپ بیلیأر.

20.5 نات چالتلیق بیلن گیدیپ بیلیأن بو گأمی نینگ دوُلی واغتی بوُلان آغرامی 27 مۆنگ 436 تن.

یؤنه‌کی یاغدایدا چالتلیغی 16 نات بوُلان بو گأمی دوُلی واغتی 9 مۆنگ دنگیز مایلی یوُل آلیپ بیلیأر.

بو گأمی نینگ اوچوش پیستینده 10 سانی دیک اوچار یا دا 11 سانی یاراغلی اوچارمانسیز اوچار دوروپ بیلیأر.

1223 پرسنلی اؤزۆندن ساقلاپ بیلیأن بو گأمیده بیر کِسِلحانا دا بار.