داشاری یورتلار یر تیتره مه سی سبأپلی تۆرکیأ کؤمِک بریأر

آذربایجان ینگ عاداتدان داشغاری یاغدایلار وزیرلیگی شو گۆن دانگ بیلن بوُلان یر تیتره مه سیندن سوُنگرا 370 آداملیق کؤمِک و حالاص ادیش توُپارینی تۆرکیأ ایبرجکدیگینی بیلدیردی.

آذربایجان ینگ جمهورباشلیغی الهام علی یف بو وزیرلیگه تۆرکیأ کؤمِک بریلمه‌گی باراسیندا تابشیریق بردی.

دمیرقازیق قبرس تۆرک جمهوریتی نینگ باش وزیری اۆنال اۆست‌اِل ده 30 آداملیق بارلاغ حالاص ادیش توُپاری نینگ 8 اولاغ بیلن بیله لیکده تۆرکیأ ایبریلجکدیگینی بیلدیردی.

اوروپا بیله له شیگی نینگ عاداتدان داشغاری یاغدایلار و انسانی کؤمِکدن جوُغاپکأر ماقامی یانس لنارسیس اوروپا بیله له شیگی نینگ تۆرکیه دأکی یر تیتره مه سیندن سوُنگرا ایشه باشلاندیغینی بیلدیردی.

لنارسیس "هلند و رومانیادان بارلاغ حالاص ادیش توُپارلاری نینگ یوُلا چیقاندیغینی" آیتدی.

آمریکانینگ میللی حوُوپسوزلیق گنگه شچیسی جک سولیوان دا آمریکانینگ تۆرکیه دأکی یر تیتره مه سیندن سوُنگرا هر حیلی کؤمِگه طایاردیغینی آیتدی.

سولیوان آمریکانینگ "یو اس اید" آدلی حالقارا اؤسۆش آژانسی نینگ آمریکانینگ یوُلباشچیسی جو بایدن تاراپیندان کؤمِک اۆچین طایاردیغینی آیتدی.

ایسرائیل نینگ داشاری ایشلر وزیری الی کوهن ده یر تیتره مه سی سبأپلی "اولی قینانچ" بیلدیردی و چالت یاغدایدا کؤمِک اۆچین تاپشیریق برندیکلرینی آیتدی.

ایسرائیل نینگ قوُرانماق وزیری یوآز گالانت دا ایسرائیل ینگ قشونی و وزیرلیگی نینگ قورامالاری نینگ انسانی کؤمِک اۆچین تاپشیرغی آلاندیغینی بیلدیردی.

اوکراینانینگ دؤولت یوُلباشچیسی ولودیمیر زلنسکی ده یر تیتره مه سیندن سوُنگرا اوکراینانینگ دوُغانلیق تۆرک حالقینا کؤمِک یتیرمأگه طایاردیغینی آیتدی.