أردوُغان: شو واغتقی یاغدایدا سوئدینگ ناتو قوراماسینا آغضا بوُلماغینی قابول اتمه‌ریس
أردوُغان، سوئد قرآن کریم ینگ یاقیلماغینا- ییرتیلماغینا روغصات برینچأ ناتو قوراماسینا آغضا بوُلماغینی قابول اتمه جکدیکلرینی آیتدی
تۆرکیأنینگ جمهورباشلیغی رجب طیب أردوُغان، سوئد قرآن کریم ینگ یاقیلماغینا- ییرتیلماغینا روغصات برینچأ شوُل یوردونگ ناتو قوراماسینا آغضا بوُلماغینی قابول اتمه جکدیکلرینی آیتدی.
عادالات و اؤسۆش حزبی نینگ باشلیغی و تۆرکیأنینگ جمهورباشلیغی رجب طیب أردوُغان پارتیاسی نینگ (حزبی نینگ) تۆرکیأنینگ بیک میللت مجلیسیندأکی توُپار ماصلاحاتیندا چیقیش اتدی.
برن بیاناتیندا سوئد و فنلاندینگ ناتو قوراماسینا آغضالیق ایسله گینه اۆنس چکن تۆرک یوُلباشچی،
"سوئد دِرِکسیز یره اؤزۆنگی یاداتما. سن منینگ موقاددس کیتابیم قرآن ینگ یاقیلماغینا، ییرتیلماغینا روغصات برینچأنگ بیز سنینگ ناتو قوراماسینا گیرمه گینگیزه روغصات برمه ریس. فنلاند حاقیندا قوُوی قاراییشا ایه دیرس اِمما سوئد مسئله سینده شیله دألدیر" دیدی.
21-نجی مارت دا سوئدینگ پایتاغتی استکهلم دا دانمارکلی آشاساغچی حزبینگ یوُلباشچیسی راسموس پالودان تۆرکیأنینگ ایلچیحاناسی نینگ اؤنگۆنده قرآن کریم –ی یاقیپدی.
کؤپ سانلی پلیسینگ تاراپیندان قوُرالان پالودان ینگ یانینا هیچ کیمینگ قوُلایلاماغینا روغصات بریلمأپدی.
پالودان 27-نجی یانواردا دانمارک دا بیر متجیدینگ اؤنگۆنده و تۆرکیأنینگ کپنهاگ داقی ایلچیحاناسی نینگ اؤنگۆنده ده قرآن کریم یاقیپدی.
هلندینگ یورت سؤیر اوروپالیلار آدینداقی حرکتی نینگ باشلیغی ادوین واگنسولد ده لاهه شهرینده یکه باشینا دوروپ قرآن کریم یاقیپدی.
