أردوُغان ت. ر. ت ورلد فوُروم دا بیانات بردی
تۆرکیأنینگ یوُلباشچیسی گۆن ترتیبی نینگ ایلری توتولیان اوغورلاری حاقدا چیقیش اتدی
تۆرکیأنینگ جمهورباشلیغی رجب طیب أردوُغان غاللا دارتغینلیغینی چؤزمه‌ک اۆچین یکشنبه گۆنی روس یوُلباشچی ولادیمیر پوتین و اوکراینانینگ جمهورباشلیغی ولودیمیر زلنسکی بیلن دوشوشجاقدیغینی آیتدی.
ایستامبول دا ت. ر. ت ورلد فوروم 2022-نینگ آچیلیش داباراسیندا بیانات برن أردوُغان شو ییلقی فورومینگ هم کروناویروس یوُقانچ کسلی هم ده روسیا- اوکراینا ساواشی سبأپلی گلوبال اؤلچِه‌کدِه دارتغینلیغینگ یوُقارلان بیر دؤورۆنده گچیریلیأندیگینی آیتدی.
روسیا- اوکراینا ساواشی نینگ آغیر ییتگیلر بیلن بیله لیکده بؤلگه و دۆنیأ اۆچین اولی انسانی، ایقدیصادی و سیاسی تؤلِه‌گلِره سبأپ بوُلاندیغینی نیغتان أردوُغان پاراحاتچیلیق اۆچین اولی دیپلماتیک تاغاللا آلیپ باریاندیقلارینی، اوکراینانینگ توُپراق بیتولیگینی گۆیچلی یاغدایدا قوُراپ روسیا قارشی عاقیلدان داشارداقی سیاساتلار بیلن بؤلگأنی دارتغینلیغا گؤنۆکدیریلمأگه ده قارشی بوُلاندیغینی بیلدیردی.
ساواش سبأپلی اوکراینا بیلن روسیادان غاللا باشدا بوُلماق بیلن أهمیتلی اؤنۆملرینگ چیقاریلماغی نینگ دورماغی نینگ، اوروپادان آفریقا چنلی بۆتین یورتلارا تأثیر یتیریأن گلوبال مؤچبرده بیر ایمیت دارتغینلیغینا سبأپ بوُلاندیغینی آیدان أردوُغان بو دارتغینلیغی چؤزگۆده قوُوشورماق اۆچین یکشنبه گۆنی پوتین و زلنسکی بیلن دوشوشجاقدیغینی حابار بردی.
آمریکانی اف- 16 باراسیندا تانقیت ادن أردوُغان،
"اژه و آق دنگیزده یونان-ی سانسیز حاساپسیز قوُلداپ دارتغینلیق دؤره‌دنلره ده بوُلسون دیمه‌دیک دیمه‌ریس. ناتودا بیله لیکده دیرس، اِمما سن گلیپ یونان ینگ آدالارینی یاراغلار بیلن اۆپجۆن ادیأرسینگ، بیز سیز بیلن هنیز ده پولونی برنیمیز اف- 16 اوچارلار مسئله سینی چؤزگۆده قوُوشوریپ بیلمه یأریس" دیدی.
تۆرکیأنینگ گؤره‌ش برنی ترورچیلیق قوراماسینا گیزلین و آچ آچان قوُلداو برن بیر اوروپا بیلن اوُرتاق گلجک حیالینی قورماغینگ قین بوُلاندیغینی آیدان تۆرکیأنینگ یوُلباشچیسی،
"شوُنچا پیدأگأرلیک اتسه ک ده بیزینگ جبیسلیگیمیزه حوُپ آباندیران ترور قورامالاری بیلن گؤره‌شیمیزده بیزی یالنگیز قوُیماقلارینی آصلا اونوتماریس. مۆنگلرچه کامیون یاراغ، اوُق- دأری سوریأنینگ دمیرقازیغینداقی ترور قوراماسینا ایبریلدی. ایبرن یورت دا ناتودا بیله لیکده بوُلان یوردومیز. ترورچیلار بیلن ادیأن گؤره‌شیمیزده بیزه هیچ کیم حاساپ سوُراپ بیلمه‌ز. سرحتلریمیزینگ حوُوپسوزلیغی اۆچین باشلادان حرکتلریمیزی دوُوام اتدیرجک توتان یرلیلیگه ایه بوُلاندیغیمیزی هممه تاراپلارا گؤرکِزدیک" دیدی.
دِگیشلی حابارلار
رومانیانینگ باش وزیری تۆرکیه ده
میهمان یوُلباشچی آنکارادا تۆرکیأنینگ جمهورباشلیغی تاراپیندان رسمی دابارا بیلن قارشیلاندی
